IPL Player Earnings: कोट्यवधींची बोली लागणाऱ्या IPL खेळाडूंना इनहॅन्ड किती मिळतात?

IPL Players Actual Earning After Auction:

आयपीएलला जगातील सर्वात मोठी क्रिकेट लीग असं म्हटंल जातं. प्रत्येक क्रिकेटपटूला या स्पर्धेत खेळावसं वाटतं. मात्र लाखो क्रिकेटपटूंमधून काही मोजक्याच क्रिकेटपटूंना या स्पर्धेत खेळण्याची संधी मिळते. (IPL Players Earning)

नुकताच दुबईत आयपीएल २०२४ स्पर्धेसाठी लिलाव पार पडला. या लिलावात काही युवा खेळाडूंवर कोट्यवधींची बोली लावण्यात आली. तर मिचेल स्टार्कवर २४.७५ कोटी आणि पॅट कमिन्सवर २०.५० कोटींची बोली लावण्यात आली.

हे दोघेही स्पर्धेच्या इतिहासातील सर्वात महागडे खेळाडू ठरले आहेत. मात्र तुम्हालाही असा प्रश्न पडलाच असेल, की खरंच कमिन्स आणि स्टार्कला इतकी मोठी रक्कम मिळणार का? लिलावात लागलेल्या खेळाडूंना इनहॅन्ड किती मिळतात? जाणून घ्या.

भारतीय खेळाडूंना किती मिळतात?

भारतातील युवा खेळाडू समीर रिजवीला चेन्नईने ८.४० कोटींची बोली लावत आपल्या संघात स्थान दिलं. तर कुमार कुशाराला दिल्लीने ७.२० कोटी आणि शाहरुख खानवर ७.४० कोटींची बोली लागली. (How Much Players Earns In IPL)

खरंच या खेळाडूंना इतकी रक्कम मिळणार का? तर याचं उत्तर आहे, नाही. कारण या लिलावात भारतीय खेळाडूंना जितकी रक्कम मिळते, त्या रक्कमेतून १० टक्के टीडीएसची कपात केली जाते. हे झाल्यानंतर खेळाडूंना आयटीआर दाखल करावा लागतो. यामध्ये खेळाडूंच्या खर्चाचा आणि इतर उत्पन्नाचा हिशोब असतो. त्यामुळे खेळाडूंना उत्पन्नाच्या आधारावर टॅक्स द्यावा लागतो. टीडीएस किती कापला जाणार, हे लिलावात किती बोली लागली आहे यावर अवलंबून असते. (Latest sports updates)

परदेशी खेळाडूंना किती मिळतात?

भारतीय खेळाडूंच्या बोली लागलेल्या रकमेतून १० टक्के तर परदेशी खेळाडूंच्या रकमेतून २० टक्के टीडीएस कपात केली जाते. मात्र परदेशी खेळाडूंना भारतीय खेळाडूंप्रमाणे टीडीएस व्यतिरिक्त कुठलाही टॅक्स द्यावा लागत नाही. या खेळाडूंना आयटीआर दाखल करण्याची गरज पडत नाही.

जर एखाद्या खेळाडूचा प्लेइंग ११ मध्ये समावेश केला गेला नसेल, तर त्याला वेगळे मानधन दिले जाते. टॅक्स आणि टीडीएस कापल्यानंतर खेळाडूंना किती रक्कम मिळते याचा अंदाज लावणं जरा कठीण आहे. कारण काही खेळाडूंचे कंपनीसोबत करार असतात. या करारातूनही त्यांना पैसे मिळत असतात.