Cricket News: Asia Cup चे आयोजन पाकिस्तानात! टीम इंडिया स्पर्धेतून घेणार माघार?

Asia cup 2023 update: यावर्षी आशिया चषक २०२३ स्पर्धेचे आयोजन केले जाणार आहे. या स्पर्धेचे आयोजन पाकिस्तानात केले जाणार आहे.

त्यामुळे भारतीय संघ पाकिस्तानात स्पर्धा खेळण्यासाठी जाणार का? असा प्रश्न उपस्थित होत होता. आता याबाबत एक मोठी माहिती समोर आली आहे.

एका माध्यमातील वृत्तामध्ये आशिया चषक २०२३ स्पर्धेचे आयोजन कधी आणि कुठे केले जाणार याबाबत माहिती देण्यात आली आहे. यात असा दावा करण्यात आला आहे की, आशिया चषक स्पर्धेचे आयोजन पाकिस्तानातच होणार. (Latest sports updates)

मात्र भारतीय संघ पाकिस्तानात सामना खेळण्यासाठी जाणार नाही. भारतीय संघाचे सामने दुसऱ्या देशात खेळवले जाणार आहेत.

या वृत्तात असे म्हटले गेले आहे की, हे सामने युएई, श्रीलंका, ओमान किंवा इंग्लंडमध्ये खेळवले जाऊ शकतात. मात्र याबाबत कुठलीही अधिकृत माहिती समोर आली नाहीये.

आशिया चषक स्पर्धेचे आयोजन युएईमध्ये केले जाऊ शकते. कारण यापूर्वी देखील दोन्ही संघ याच मैदानावर आमने सामने आले आहेत. ही स्पर्धा सप्टेंबरमध्ये खेळवली जाणार आहे. यावेळी युएईचे वातावरण गरम असते.

उष्णतेचा पारा ४० डिग्रीच्या आसपास असतो. यापूर्वी देखील आयपीएल स्पर्धचे आयोजन सप्टेंबर महिन्यात केले गेले होते. ही स्पर्धा युएईमध्ये आयोजित केली गेली होती.