Ind Vs Pak : आधी टेन्शन वाढवलं, नंतर टीम इंडियानं डाव सावरला, पाकिस्तानकडून भारताला इतक्या धावांचं आव्हान

india vs pakistan match : भारत आणि पाकिस्तानमध्ये आशिया कपचा सुपर ४ सामना सुरु आहे. पाकिस्तानने प्रथम फलंदाजी करताना भारतासमोर २० षटकात ५ गडी गमावून १७२ धावांचं आव्हान दिलं. पाकिस्तानसाठी साहिबजादा फरहानने सर्वाधिक ५८ धावा कुटल्या. भारतासाठी शिवम दुबेने दोन तर हार्दिक-कुलदीपने प्रत्येकी १-१ विकेट घेतले.

भारतीय कर्णधार सूर्यकुमार यादवने टॉस जिंकून प्रथम गोलंदाजी करण्याचा निर्णय घेतला. प्रथम फलंदाजी करताना पाकिस्तानला तिसऱ्या षटकात पहिला झटका बसला. फखर जमां ९ चेंडूत १५ धावा करून बाद झाला. हार्दिक पंड्याने फखर जमांला बाद केलं. सईम १७ चेंडूत २१ धावा करुन बाद झाला.

अयूब आणि फरहानने दुसऱ्या विकेटसाठी ४९ चेंडूत ७२ धावांची भागिदारी रचली. हुसैन तलतने १० धावा करून कुलदीपच्या चेंडूवर बाद झाला. फरहान ४५ चेंडूत ५८ धावा करून बाद झाला. फरहानने पाकिस्ताननसाठी सर्वाधिक धावा कुटल्या. सलमान आगाने १३ चेंडूत १७ धावा आणि फहीम ८ चेंडूत २० धावा करून नाबाद राहिले .

टीम इंडियाकडून शिवम दुबेने चांगली गोंलदाजी केली. शिवमने ४ षटकात ३३ धावा देऊन २ गडी बाद केले. कुलदीप आणि हार्दिक पंड्याने प्रत्येकी १-१ गडी बाद केले. आता पाकिस्तानने दिलेल्या आव्हानाचा टीम इंडिया कसा सामना करते, याकडे साऱ्यांचं लक्ष लागलं आहे.