केव्हा, कुठे अन् कधी होणार IND vs BAN मालिकेतील सामने? पाहा संपूर्ण वेळापत्रक

भारतीय संघातील खेळाडू गेल्या काही दिवसांपासून विश्रांतीवर आहेत. भारतीय संघ श्रीलंका दौऱ्यावर गेला होता. या दौऱ्यावर दोन्ही संघांमध्ये दोन्ही संघांमध्ये वनडे आणि टी-२० मालिकेचा थरार रंगला होता.

त्यानंतर भारतीय संघाला ४३ दिवसांचा ब्रेक मिळाला. आता भारतीय संघ बांगलादेशला आव्हान देण्यासाठी सज्ज झाला आहे. दरम्यान ही मालिका केव्हा, कुठे आणि कधी रंगणार? जाणून घ्या.

बांगलादेशचा संघ नुकताच पाकिस्तान दौऱ्यावरुन परतला आहे. या दौऱ्यावर बांगलादेशने शानदार खेळ केला आणि दोन्ही सामन्यांमध्ये विजय मिळवला. यासह बांगलादेशने इतिहास रचला. यापूर्वी बांगलादेशने परदेशात जाऊन खेळताना एकही मालिका जिंकली नव्हती. त्यामुळे बांगलादेशसाठी ही मालिका ऐतिहासिक ठरली. आता बांगलादेशचा संघ भारतीय संघाला पराभूत करण्यासाठी मैदानात उतरणार आहे.

केव्हा, कुठे अन् कधी पाहता येणार भारत- बांगलादेश मालिका?

भारत आणि बांगलादेश यांच्यातील कसोटी मालिकेला येत्या १९ सप्टेंबरपासून सुरुवात होणार आहे. हा सामना चेन्नईतील एमए चिदंबरम स्टेडीयमवर रंगणार आहे. हा सामना १९ ते २३ सप्टेंबरदरम्यान रंगणार आहे. हा सामना सकाळी ९:३० वाजता सुरु होईल. हा सामना तुम्ही नेटवर्क १८ वर लाईव्ह पाहू शकता. यासह या सामन्याचे लाईव्ह स्ट्रिमिंग तुम्ही जिओ सिनेमावर लाईव्ह पाहू शकता.

भारत-बांगलादेश मालिकेचं संपूर्ण वेळापत्रक

भारत विरुद्ध बांगलादेश पहिला कसोटी सामना - चेन्नई (१९ ते २३ सप्टेंबर)

भारत विरुद्ध बांगलादेश दुसरा कसोटी सामना - कानपुर (२७ सप्टेंबर ते १ ऑक्टोबर)

टी-२० मालिकेचं संपूर्ण वेळापत्रक

भारत विरुद्ध बांगलादेश पहिला टी-२० सामना - धर्मशाळा (६ ऑक्टोबर)

भारत विरुद्ध बांगलादेश दुसरा टी-२० सामना - दिल्ली (९ ऑक्टोबर)

भारत विरुद्ध बांगलादेश तिसरा टी-२० सामना - हैदराबाद (१२ ऑक्टोबर)

कसोटी मालिकेसाठी असे आहेत दोन्ही संघ:

भारतीय संघाविरुद्धच्या मालिकेसाठी असा आहे बांगलादेशचा संघ:

नजमुल हुसेन शांतो (कर्णधार), महमुदुल हसन जॉय, जाकीर हसन, शादमान इस्लाम, मोमिनुल हक, मुश्फिकुर रहीम, शाकिब अल हसन,नईम हसन, नाहिद राणा, हसन महमूद, तस्कीन अहमद, सैयद खालिद अहमद, जेकर अली अनिक, लिटन दास, मेहदी हसन मिराज, तैजुल इस्लाम.

मालिकेतील पहिल्या सामन्यासाठी असा आहे भारतीय संघ:

रोहित शर्मा (कर्णधार), यशस्वी जयस्वाल, शुभमन गिल, विराट कोहली, केएल राहुल, सरफराज खान, रिषभ पंत (यष्टिरक्षक), ध्रुव जुरेल (यष्टिरक्षक), आर अश्विन, रविंद्र जडेजा, अक्षर पटेल, कुलदीप यादव, मोहम्मद सिराज, आकाश दीप, जसप्रीत बुमराह आणि यश दयाल.