Mohammed Shami Will Play Ranji Trophy: भारतात गेल्या वर्षी आयसीसी वनडे वर्ल्डकप २०२३ स्पर्धेचा थरार पार पडला. या स्पर्धेत भारतीय संघाने दमदार कामगिरी करत फायनल गाठली. मात्र फायनलमध्ये भारतीय संघाला पराभवाचा सामना करावा लागला.
या संपूर्ण स्पर्धेत मोहम्मद शमीने दमदार कामगिरी केली. या स्पर्धेत तो सर्वाधिक विकेट्स घेणारा गोलंदाज ठरला. दरम्यान याच कामगिरीची दखल घेत, बंगाल क्रिकेट असोसिएशनच्या एका कार्यक्रमात शमीचा सत्कार करण्यात आला. या कार्यक्रमात त्याने लवकर परतण्याची इच्छा व्यक्त केली.
वनडे वर्ल्डकप झाल्यानंतर शमीला दुखापतीमुळे संघातून बाहेर पडावं लागलं होतं. गेल्या काही महिन्यांपासून तो संघाबाहेर आहे. मात्र त्याचे कमबॅक करण्याचे पुरेपूर प्रयत्न सुरू आहेत. शमी म्हणाला की, ' निश्चितच, मला आगामी हंगामात बंगालसाठी खेळायचे आहे. मी २ ते ३ सामने तरी खेळणार आहे. यामुळे मला आंतरराष्ट्रीय क्रिकेटमध्ये कमबॅक करायला मदत होणार आहे. मी एनसीएमध्ये प्रशिक्षण घेत आहे, जेव्हा मी फिट होईल तेव्हा मला खेळण्यासाठी मैदानात उतरायचं आहे.'
तसेच त्याने बंगाल क्रिकेट असोसिएशनचे आभार मानले आहेत. तो म्हणाला की,' मी बंगालचे जितके आभार मानावे तितके कमीच आहेत. माझा जन्म युपीमध्ये झाला पण मला खरी ओळख बंगालने दिली. हा २२ वर्षांचा प्रवास आहे, की मी जे काही आहे त्यात बंगालचा मोलाचा वाटा आहे. मला वाटतं की, महिला क्रिकेटही पुढे जावं. मला पाहून आनंद होतोय की, आपलं कुटुंबही या गोष्टीला समर्थन करत आहे.'
' मला वाटतं की, भारत ही मालिका जिंकण्यासाठी प्रबळ दावेदार आहे. गेल्या वेळेस आम्ही ऑस्ट्रेलियामध्ये युवा खेळाडूंसह मैदानात उतरलो होतो. त्यावेळी आम्ही श्रेष्ठ आहोत हे सिद्ध केलं होतं. यावेळी दोन्ही संघांमध्ये कांटे की टक्कर होणार, यात काहीच शंका नाही. ' असं मोहम्मद शमी म्हणाला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.