RCB vs GT, IPL Final : प्रिन्स अन् किंग भिडणार... गुजरातच्या मैदानात आरबीसी कमाल करणार का? पाहा संभाव्य प्लेईंग ११

आयपीएल २०२६ क्लालीफायर-२ सामन्यात गुजरात टायटन्सने राजस्थान रॉयल्सचा ७ विकेटने पराभूत केले. गुजरात टायटन्सने सामना जिंकत फायनलमध्ये धडाकेबाज एन्ट्री मारली आहे. आता गुजरातचा अंतिम सामना हा विराट कोहलीच्या रॉयल चॅलेंजर्स बेंगळुरूशी रविवारी होईल. यंदाचा आयपीएलचा अंतिम सामना कोण जिंकणार, याकडे साऱ्यांचं लक्ष लागलं आहे.

अहमदाबादच्या नरेंद्र मोदी स्टेडियममध्ये ३१ मे रोजी सायंकाळी सात वाजता अंतिम सामना सुरू होईल. दोन्ही संघाचे कर्णधार सायंकाळी ७ वाजता नाणेफेकीसाठी मैदानात दिसतील. कालच्या सामन्यात गुजरात टायटन्ससमोर राजस्थान रॉयल्सचा संघ ढेर झाला.

मुल्लनपूर, न्य चंडीगडचे महाराजा यादवेंद्र सिंह आंतरराष्ट्रीय स्टेडियममध्ये झालेल्या सामन्यात राजस्थान रॉयल्सचा कर्णधार रियान परागने नाणेफेक जिंकून प्रथम फलंदाजी करण्याचा निर्णय घेतला. त्यानंतर राजस्थान रॉयल्सने २० षटकात ६ गडी गमावून २१४ धावा कुटल्या. राजस्थानने दिलेल्या आव्हानाचा पाठलाग करताना गुजरात टायटन्सने जोरदार फटकेबाजी केली.

गुजरात टायटन्स संघाने १८.४ षटकात २१९ धावा करत सामना जिंकला. गुजरातने ७ विकेटने सामना जिंकला. या विजयाने गुजरात टायटन्स संघाची फायनलमध्ये एन्ट्री झाली आहे.

वैभव सूर्यवंशीची ९६ धावांची खेळी व्यर्थ

राजस्थान रॉयल्सची सुरुवात चांगली झाली नव्हती. अवघ्या ९ धावांच्या आत राजस्थानचे दोन गडी बाद झाले होते. परंतु संघाचा डाव वैभव सूर्यवंशीने सांभाळला होता. त्याने ४७ चेंडूत ८ चौकार आणि ७ षटकार लगावत ९६ धावा कुटल्या. सूर्यवंशीच्या व्यतिरिक्त रविंद्र जडेजाने ३५ चेंडूत ४५ धावा कुटल्या.

फायनलमध्ये पोहोचेल्या संघाची संभाव्य प्लेईंग कशी असेल?

आरसीबी संभाव्य प्लेईंग ११

विराट कोहली, देवदत्त पडिक्कल, रजत पाटीदार, जितेश शर्मा, टीम डेव्हिड, रोमारियो शेफर्ड, कृणाल पंड्या, भुवनेश्नर कुमार, जोश जोश हेजलवुड, रसिख सलाम डार, सुयश शर्मा

जीटी संभाव्य प्लेईंग ११

साइ सुदर्शन, शुभमन गिल, जोस बटलर,वॉशिंग्टन सुंदर, शाहरुख खान, जॅसन होल्डर, राहुल तेवतिया, रशिद खान, मानव सुथार, कगिसो रबाडा, मोहम्मद सिराज