Shubman Gill Statement: हातचा सामना निसटल्यानंतर शुभमन गिल भडकला! पराभवाचं कारण सांगत म्हणाला...

Shubman Gill Statement News, GT vs PBKS IPL 2024:

अहमदाबादच्या नरेंद्र मोदी स्टेडियमवर झालेल्या सामन्यात गुजरात टायटन्स संघाने शानदार फलंदाजी केली. कर्णधार शुभमन गिलच्या शानदार ८९ धावांच्या खेळीच्या बळावर १९९ धावांपर्यंत मजल मारली. गुजरातने फलंदाजी तर चांगली केली, मात्र क्षेत्ररक्षणात अफाट चुका केल्या. एकवेळ असं वाटलं होतं की, होमग्राऊंडवर गुजरातचा संघ हा सामना एकतर्फी जिंकणार, मात्र शशांक सिंग आणि आशुतोष शर्माने गुजरातकडून विजय हिसकावून घेतला. दरम्यान या पराभवानंतर गुजरातचा कर्णधार शुभमन गिल भडकल्याचे पाहायला मिळाले आहे.

या पराभवानंतर बोलताना शुभमन गिल म्हणाला की, ' मला वाटतं की, आम्ही खूप झेल सोडले. झेल सोडल्यानंतर सामना जिंकणं कठीण होऊन जातं. गोलंदाजांनी खरंच चांगली कामगिरी केली. जेव्हा चेंडू बॅटवर येत असतो त्यावेळी धावांचा बचाव करणं कठीण होऊन जातं. आमच्याकडे बचाव करण्यासाठी कमी धावा होत्या, असं मी मुळीच म्हणणार नाही. २०० धावा आव्हानात्मक होत्या. आम्ही १५ व्या षटकापर्यंत सामन्यात टीकून होतो. झेल सोडल्यामुळे आमच्यावर दबाव आला.'

या सामन्यात शेवटच्या षटकात पंजाब किंग्ज संघाला विजयासाठी ७ धावांची गरज होती. या धावांचा बचाव करण्यासाठी गिलने नालकंडेला गोलंदाजी करण्यासाठी बोलावलं. याबाबत बोलताना गिल म्हणाला की, ' ज्याप्रकारे त्याने गेल्या सामन्यात गोलंदाजी केली आणि या सामन्यात ७ धावांची गरज होती. त्यामुळे आमच्यासाठी ही मोठी गोष्ट नव्हती.'

पंजाबकडून आशुतोष शर्मा आणि शशांक सिंग हे विजयाचे हिरो ठरले. दोघांनी मिळून संघाच्या विजयात मोलाची भूमिका बजावली. गिलने या दोघांचंही कौतुक केलं. 'ज्या लोकांना तुम्ही नाही पाहिलं, ते या स्पर्धेत शानदार खेळ करतील. हेच आयपीएल स्पर्धेचं वैशिष्ट्य आहे.' (Cricket news in marathi)

पंजाबचा शानदार विजय..

या सामन्याबद्दल बोलायचं झालं तर, पंजाब किंग्ज संघाने नाणेफेक जिंकला आणि प्रथम गोलंदाजी करण्याचा निर्णय घेतला. प्रथम फलंदाजी करण्यासाठी गुजरात टायटन्स संघाकडून शुभमन गिलने सर्वाधिक ८९ धावांची खेळी केली. तर राहुल तेवतियाने २३ धावांची खेळी केली. या खेळीच्या बळावर गुजरात टायटन्स संघाने ४ गडी बाद १९९ धावा केल्या. या धावांचा पाठलाग करताना पंजाब किंग्ज संघाकडून शशांक सिंगने ६१ धावांची खेळी केली. तर आशुतोष सिंगने ३१ धावांची खेळी केली. या खेळीच्या बळावर पंजाबने ३ गडी राखून विजय मिळवला.