Eng vs Ban world cup 2023: इंग्लंडच्या दमदार फलंदाजीसमोर बांगलादेशी गोलंदाजांचा नागीण डान्स! विजयासाठी ३६५ धावांचं आव्हान

England vs Bangladesh World Cup Match:

विश्वचषक स्पर्धेत आज इंग्लंड विरुद्ध बांगलादेशचा धर्मशाला मैदानावर रंगतदार सामना सुरु आहे. प्रथम फलंदाजी करताना इंग्लंडच्या फलंदाजांनी बांगलादेशविरुद्ध दमदार फलंदाजी केली. इंग्लंडने धुव्वादार फलंदाजी करत बांगलादेश संघाला ३६५ धावांचं आव्हान दिलं आहे. (Latest Marathi News)

बांगलादेशने नाणेफेक जिंकून इंग्लंडला फलंदाजी करण्यासाठी आमंत्रित केलं. इंग्लंडच्या फलंदाजांनी धमाकेदार सुरुवात केली. इंग्लंडने ५० षटकात ९ गडी गमावून ३६४ धावा कुटल्या.

बांगलादेशला आता जिंकण्यासाठी ३६५ धावा कराव्या लागणार आहेत. इंग्लंडकडून डेव्हिड मलानने १४० धावा कुटल्या. तर बांगलादेशच्या महेदी हसनने ८ षटकात ७१ धावा दिल्या. तसेच महेदीने ४ गडी बाद केले.

प्रथम फलंदाजी करताना इंग्लंडने पहिल्या पॉवरप्लेमध्ये एकही गडी न गमावता ६१ धावा कुटल्या. डेव्हिड मलानने बांगलादेशच्या गोलंदाजांची चांगलीच धुलाई केली. त्याने ३९ चेंडूत अर्धशतक झळकावले. मलाननंतर बेयरेस्टोने ५४ चेंडूत अर्धशतक ठोकलं.

डेव्हिडने ९१ चेंडूत शतक ठोकलं. इंग्लंडने ३३ व्या षटकात २०० धावा पूर्ण केल्या. जो रूटनेही ४४ चेंडूत अर्धशतक पूर्ण केलं. तर डाविडने १०७ चेंडूत १४० धावांची खेळी खेळली. मात्र, डेव्हिड हसनच्या चेंडूवर त्रिफाळाचीत झाला. बटलर देखील १० चेंडूत २० धावा करून बाद झाला.