आयपीएल २०२६ च्या सरावादरम्यान दिल्ली कॅपिटल्सचा एक नेट बॉलर गंभीर जखमी झाल्याची घटना घडलीये. दिल्ली कॅपिटल्सचा पुढील सामना अरुण जेटली स्टेडियमवर पंजाब किंग्सविरुद्ध होणार आहे. सामन्यापूर्वीच्या सरावादरम्यान या नेट बॉलरला दुखापत झालीये. मिळालेल्या माहितीनुसार, वेगाने येणारा चेंडू चेहऱ्यावर लागल्याने हा तरुण गोलंदाज जमिनीवर कोसळला आणि त्याचा त्याच्या चेहऱ्यावरून रक्त देखील येत होतं.
या घटनेनंतरचा व्हिडीओ समोर आला असून या नेट गोलंदाजाला खूप वेदना होत असल्याचं दिसतंय. त्याच्या चेहरा रक्तबंबाळ झाला होता. यावेळी मेडिकल टीम तात्काळ घटनास्थळी पोहोचली आणि त्यांनी गोलंदाजाची तपासणी केली. त्यानंतर त्या खेळाडूला अॅम्ब्युलन्सने रुग्णालयात नेण्यात आलं. दिल्ली कॅपिटल्सने या घटनेबाबत अद्याप कोणतीही अधिकृत माहिती जाहीर केलेली नाही.
आयपीएल २०२६ मध्ये दिल्ली कॅपिटल्सने दमदार सुरुवात केली . त्यांनी पहिल्या सामन्यात लखनऊ सुपर जायंट्स आणि दुसऱ्या सामन्यात मुंबई इंडियन्सला पराभूत केलं. त्यानंतर टीमला गुजरातविरुद्ध शेवटच्या चेंडूवर पराभव स्विकारावा लागला.
यानतंर चेन्नई सुपर किंग्सविरुद्धही दिल्लीचा पराभव झाला. डेव्हिड मिलरने शेवटच्या ओव्हरमध्ये आरसीबीविरुद्ध टीमला विजय मिळवून दिला पण सनरायझर्स हैदराबादविरुद्ध त्यांना पुन्हा पराभव पत्करावा लागला. दिल्लीने ६ सामन्यापैकी ३ जिंकलेत यामुळे त्यांच्या खात्यात सहा पॉईंट्स असून ते पॉईंट्स टेबलमध्ये सहाव्या स्थानावर आहेत.
दिल्ली कॅपिटल्ससमोर आज पंजाब किंग्सविरुद्ध एक कठीण आव्हान आहे. श्रेयस अय्यरच्या नेतृत्वाखालील पंजाब किंग्सची टीम पॉईंट्स टेबलमध्ये अव्वल स्थानी आहे. त्यांनी खेळलेल्या सहा सामन्यांपैकी पाच सामने जिंकले असून एक सामना पावसामुळे रद्द झालाय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.