DC VS MI Highlights : रोहित-हार्दिक फेल, मिडल ऑर्डरने सावरला खेळ, तिलक-रायनची धमाकेदार खेळी

DC VS MI IPL 2025 : दिल्ली कॅपिटल्स विरुद्ध मुंबई इंडियन्स हा सामना सुरु आहे. दिल्ली कॅपिटल्सचा कर्णधार अक्षर पटेलने टॉस जिंकला आणि प्रथम गोलंदाजी करण्याचा निर्णय घेतला. फलंदाजी करण्यासाठी आलेल्या मुंबईच्या संघाने २० ओव्हर्समध्ये २०५ धावा केल्या. आता आजचा सामना जिंकण्यासाठी दिल्लीच्या संघाला २०६ धावा कराव्या लागणार आहेत.

मुंबई इंडियन्सच्या फलंदाजीची चांगली सुरुवात झाली पण सलामीवीर रोहित शर्मा लवकर आउट झाला. रियान रिकल्टनने ४१ धावा, सूर्यकुमार यादवने ४० धावा केल्या. तिलक वर्माने आक्रमक खेळत ५६ धावा केल्या. शेवटच्या ओव्हर्समध्ये आलेल्या नमन धीरने १७ बॉल्समध्ये ३८ धावा केल्या. हार्दिक पंड्या २ धावा करुन तंबूत परतला.

दुसऱ्या बाजूला दिल्लीकडून खेळताना कुलदीप यादवने दमदार गोलंदाजी केली. त्याने रायन रिकल्टन आणि सूर्यकुमार यादव यांना त्याने बाद केले. ४ ओव्हर्समध्ये फक्त २३ धावा दिल्या. यादवप्रमाणे विपराज निगमनेदेखील दोन विकेट्स घेतल्या. तर मुकेश कुमारने एक विकेट घेतली. अन्य गोलंदाजांना विकेट घेण्यात यश मिळाले नाही.

मुंबई इंडियन्सची प्लेईंग ११ -

हार्दिक पंड्या (कर्णधार) रोहित शर्मा, रायन रिकल्टन, विल जॅक्स, सूर्यकुमार यादव, तिलक वर्मा, नमन धीर, मिचेल सँटनर, दीपक चहर, ट्रेंट बोल्ट, जसप्रीत बुमराह

दिल्ली कॅपिटल्सची प्लेईंग ११ -

अक्षर पटेल (कर्णधार), जेक फ्रेजर-मॅकगर्क, फाफ डू प्लेसिस, अभिषेक पोरेल, केएल राहुल, ट्रिस्टन स्टब्स, आशुतोष शर्मा, विप्रज निगम, मिचेल स्टार्क, मोहित शर्मा, कुलदीप यादव, मुकेश कुमार