DC vs GT,IPL 2024: दिल्ली - गुजरात सामन्यावर पावसाचं सावट? जाणून घ्या कसं असेल हवामान

रिषभ पंतच्या नेतृत्वाखाली खेळणाऱ्या दिल्ली कॅपिटल्स संघाला आयपीएल २०२४ स्पर्धेत हवी तशी कामगिरी करता आलेली नाही. दिल्लीचा शेवटचा सामना सनरायझर्स हैदराबाद संघाविरुदद्ध पार पडला होता. होम ग्राऊंडवर झालेल्या या सामन्यात दिल्लीला एकतर्फी पराभवाला सामोरं जावं लागलं होतं. तर दुसरीकडे गुजरात टायटन्सने गेल्या सामन्यात पंजाब किंग्ज संघाचा पराभव केला आहे. आज होणाऱ्या सामन्यात दिल्ली कॅपिटल्स आणि गुजरात टायटन्सचा संघ आमने सामने येणार आहेत. दरम्यान कसं असेल हवामान? जाणून घ्या एकाच क्लिकवर.

कसं असेल हवामान?

दिल्ली कॅपिटल्स आणि गुजरात टायटन्स यांच्यातील सामना दिल्ली अरुण जेटली स्टेडियमवर रंगणार आहे. या सामन्यावेळी आभाळ मोकळं असेल,असा अंदाज वर्तवण्यात आला आहे. त्यामुळे पावसाची कुठलीही शक्यता नाही. क्रिकेट चाहत्यांना २०-२० षटकांचा सामना पाहायला मिळू शकतो. दिवसा तापमान ४० डिग्रीच्या आसपास असेल.

कसा राहिलाय दोन्ही संघांचा हेड टू हेड रेकॉर्ड?

दिल्ली कॅपिटल्स आणि गुजरात टायटन्स या दोन्ही संघांचा हेड टू हेड रेकॉर्ड पाहिला, तर हे दोन्ही संघ आतापर्यंत ४ वेळेस आमने सामने आले आहेत. यादरम्यान दोन्ही संघांना २-२ सामने जिंकता आले आहेत. हा रेकॉर्ड पाहता दोन्ही संघांमध्ये चुरशीची लढत पाहायला मिळू शकते.

या सामन्यासाठी अशी असू शकते दोन्ही संघांची प्लेइंग ...

दिल्ली कॅपिटल्स -

पृथ्वी शॉ, डेव्हिड वॉर्नर, जेक फ्रेजर मॅकगर्क, ट्रिस्टन स्टब्स, अभिषेक पोरेल, रिषभ पंत (कर्णधार आणि यष्टीरक्षक), अक्षर पटेल, कुलदीप यादव, एनरिक नॉर्खिया, मुकेश कुमार, खलील अहमद.

गुजरात टायटन्स -

रिद्धिमान साहा (यष्टीरक्षक), शुभमन गिल (कर्णधार), साई सुदर्शन, डेविड मिलर, अजमतुल्लाह उमरजई, शाहरुख खान, राहुल तेवतिया, राशिद खान, आर साई किशोर, नूर अहमद, मोहित शर्मा.