श्रेयस अय्यरच्या जादूच्या कलेने सर्वांना केले चकित
‘कपिल शर्मा शो’मध्ये त्याच्या पत्त्यांचा ट्रिक व्हायरल
श्रेयसच्या अचूक बदामचा एक्का ओळखून प्रेक्षकांना चकीत
टीम इंडियाचा फलंदाज श्रेयस अय्यर हा मैदानावर तुफान फटकेबाजीसाठी प्रसिद्ध आहे. श्रेयस आक्रमक फलंदाजी करत गोलंदाजांची चांगलीच धुलाई करत असतो. संघासाठी धावांचा डोंगर उभारणारा श्रेयस अय्यर मैदानाबाहेर देखील चांगलाच प्रसिद्ध आहे. त्याने हटके जादूने चाहत्यांनाही चकीत केलं आहे. ५२ पत्त्यामधून नेमका बदामचा एक्का काढणाऱ्या श्रेयस अय्यरचा व्हिडिओ सोशल मीडियावर प्रचंड व्हायरल होत आहे.
भारताचा स्टार खेळाडू श्रेयस अय्यर 'कपिल शर्मा शो'मध्ये गेला होता. श्रेयसच्या जोडीला रोहित शर्मा देखील होता. त्यावेळी 'शो'मध्ये त्याने जादू दाखवली. त्याच्या या जादूने प्रेक्षक आणि चाहते चकीत झाले. त्याचा जादूचा व्हिडिओ सोशल मीडियावर चर्चेचा विषय ठरत आहे.
श्रेयसने काय जादू केली?
कार्यक्रमात कपिल शर्मा बोलतो की, 'फार कमी लोकांना माहीत आहे की, श्रेयस अय्यर कार्डच्या जादूने अनेकांना चकीत करतो'. कार्यक्रमात त्यानंतर श्रेयसला पत्ते देण्यात आले. श्रेयसने कपिल शर्माला सर्व पत्त्यांमधून एक पत्ता काढायला सांगितला. त्यानंतर कपिलने श्रेयसला न दाखवता बदाम एक्का पत्ता काढला. त्यानंतर तो पत्ता पुन्हा सर्व पत्त्यांमध्ये एकत्र केला.
पुढे श्रेयसने कपिलला मनातलं एक नाव घ्यायला सांगितले. त्यानंतर कपिलने अर्चना पूरन सिंह यांचं नाव घेतलं. कपिलने अर्चना यांची इंग्रजी स्पेलिंग देखील सांगितली. त्यानंतर त्यांच्या स्पेलिंगनुसार मोजके पत्ते टेबलावर ठेवले. त्यातील शेवटचा पत्ता बदामचा एक्का होता. श्रेयसच्या कार्यक्रमातील या जादूने प्रेक्षकही चकीत झाले. श्रेयसने केलेल्या जादूचा व्हिडिओ सोशल प्रचंड चर्चेत आहे. त्याचा व्हिडिओ लाखो जणांनी पाहिला आहे. तर शेकडो लोकांनी प्रतिक्रिया दिल्या आहेत.