Jasprit Bumrah: टीम इंडियाला मोठा धक्का! जसप्रीत बुमराह IND vs BAN मालिकेला मुकणार; मोठं कारण आलं समोर

India vs Bangladesh Test Series: भारतीय संघाला वनडे वर्ल्डकप २०२३ स्पर्धेतील फायनल आणि टी-२० वर्ल्डकप जिंकून देण्यात जसप्रीत बुमराहने मोलाची भूमिका बजावली होती. टी-२० वर्ल्डकप स्पर्धेतील फायनलमध्ये तो आपला शेवटचा सामना खेळण्यासाठी मैदानात उतरला होता. तेव्हापासून ते आतापर्यंत एकही सामना खेळण्यासाठी मैदानात आलेला नाही.

वर्ल्डकपनंतर भारतीय संघाने श्रीलंका आणि झिम्बाब्वेविरुद्धची मालिका खेळली आहे. दरम्यान या मालिकांमध्ये जसप्रीत बुमराहला विश्रांती देण्यात आलेली आहे. माध्यमातील वृत्तानुसार, जसप्रीत बुमराहला दिर्घकाळ विश्रांती दिली जाऊ शकते.

जसप्रीत बुमराहला विश्रांती

श्रीलंका दौऱ्यावरुन परतल्यानंतर भारतीय खेळाडू सध्या विश्रांतीवर आहेत. १९ सप्टेंबरपासून भारत आणि बांगलादेश या दोन्ही खेळाडूंमध्ये कसोटी मालिकेचा थरार रंगणार आहे. ४३ दिवसांच्या विश्रांतीनंतर भारतीय खेळाडू कसोटी आणि टी-२० मालिका खेळण्यासाठी मैदानात उतरणार आहेत.

दरम्यान इंडियन एक्स्प्रेसने दिलेल्या वृत्तानुसार,जसप्रीत बुमराहला बांगलादेशविरुद्ध होणाऱ्या मालिकेत विश्रांती दिली जाऊ शकते. ही मालिका भारतात रंगणार आहे. त्यामुळे फिरकी गोलंदाजीसाठी अनुकूल असणाऱ्या खेळपट्टीवर फिरकी गोलंदाजांना संधी दिली जाऊ शकते. बुमराहच्या अनुपस्थितीत मोहम्मद शमीला संधी दिली जाणार असल्याची चर्चा सुरु आहे.

शमीचं होणार कमबॅक

भारतीय संघातील वेगवान गोलंदाज मोहम्मद शमी हा वनडे वर्ल्डकप २०२३ स्पर्धेत भारताचा सर्वात यशस्वी गोलंदाज ठरला होता. मात्र स्पर्धेनंतर तो दुखापतीमुळे स्पर्धेतून बाहेर पडला. फेब्रुवारी महिन्यात त्याच्या शस्त्रक्रिया करण्यात आली होती.

तेव्हापासून तो पुन्हा एकदा फिट होण्याच्या प्रयत्नात आहे. काही दिवसांपूर्वी तो नेट्समध्ये सराव करताना दिसून आला होता. त्यामुळे तो कमबॅक करणार असं म्हटलं जात आहे.