Asia Cup 2025 Final जिंकण्यासाठी 'त्याला' संधी द्याच, IND vs Pak सामन्याआधी दिग्गजाची मोठी मागणी

IND Vs Pak : आशिया कप २०२५ मधील भारत विरुद्ध पाकिस्तान या अंतिम सामन्याला अवघे काही तास शिल्लक आहेत. सामना जिंकून आशिया कप कोण जिंकणार याकडे सर्वांचे लक्ष लागले आहे. सामन्यासाठी भारताच्या प्लेईंग ११ मध्ये अर्शदीप सिंहचा समावेश करण्याची मागणी रविचंद्रन अश्विनने केली आहे. श्रीलंकेविरुद्धच्या सुपर ओव्हरमध्ये अर्शदीपने क्षमता सिद्ध केली होती. त्याने दोन धावा देत दोन विकेट्स घेतल्या होत्या. पण जसप्रीत बुमराह आणि हार्दिक पंड्या हे मुख्य वेगवान गोलंदाज असल्याने अर्शदीप सिंहला भारताच्या प्लेईंग ११ मध्ये समाविष्ट होण्यासाठी संघर्ष करावा लागत आहे.

भारत विरुद्ध पाकिस्तान आशिया कप २०२५ च्या अंतिम सामन्यात अर्शदीपने खेळले पाहिजे. मी चष्मा लावूनही हेच सांगेन! जरी तुम्ही मला गाढ झोपेतून उठवले तरी माझे उत्तर बदलणार नाही. सहा महिन्यात विश्वचषक आहे, विश्वचषकासाठी अर्शदीपच्या फलंदाजीवर काम करा, वरुण चक्रवर्तीच्या फलंदाजीवर काम करा, बुमराह फलंदाजी करु शकतो. फलंदाजी प्रशिक्षकाने या खेळाडूंवर काम करण्याची गरज आहे, असे आर. अश्विनने त्याच्या युट्यूब चॅनलवर म्हटले आहे.

श्रीलंकेविरुद्ध सामन्यात अर्शदीपने ज्या प्रकारे गोलंदाजी केली, त्याने कृतीतून पुन्हा एकदा स्वत:ला सिद्ध केले. जर हार्दिक पंड्या खेळला नाही, तर भारताने अर्शदीप सिंहला संधी द्यावी. भारतासाठी हार्दिक आवश्यक आहेच. पण जर दुखापतीमुळे तो बाहेर असेल, तर अर्शदीपला खेळवता येईल. भारतासाठी तो किती महत्त्वाचा गोलंदाज आहे हे तो पुन्हा एकदा दाखवून देईल असे वक्तव्य अर्शदीप सिंहने केले.

भारत विरुद्ध श्रीलंका सामन्यामध्ये हार्दिक पंड्याला दुखापत धाली आहे. त्याच्या मांडीला दुखापत झाल्याचे म्हटले जात आहे. या दुखापतीमुळे तो आजच्या (२८ सप्टेंबर) भारत विरुद्ध पाकिस्तान सामन्यात खेळेल की नाही हे अद्याप स्पष्ट झालेले नाही. जर हार्दिक उपलब्ध नसेल, तर त्याच्या जागी अर्शदीप सिंहला संधी मिळू शकते असे म्हटले जात आहे.