बीसीसीआय अध्यक्ष रॉजर बिन्नी आणि राजीव शुक्ला यांच्या पाकिस्तान दौऱ्याबाबत मोठी अपडेट समोर आली आहे. काही दिवसांपूर्वी पाकिस्तान क्रिकेट बोर्डने रॉजर बिन्नी आणि राजीव शुक्ला यांना आशिया चषक स्पर्धेच्या पार्श्वभूमीवर पाकिस्तानात येण्याचे आमंत्रण दिले होते.
त्यानंतर असं म्हटलं जात होतं की, रॉजर बिन्नी आणि राजीव शुक्ला हे पाकिस्तानात जातील. मात्र याबाबत एक मोठी अपडेट समोर आली आहे.
रॉजर बिन्नी आणि राजीव शुक्ला पाकिस्तानात जाणार का?
बीसीसीआयच्या एका सुत्राने म्हटले की, ' हो, पाकिस्तान क्रिकेट बोर्डने पाकिस्तानात येण्याचं निमत्रंण दिलं होतं. मात्र सध्याची परिस्थिती पाहता पाकिस्तानात जाणं कठीण आहे. केवळ खेळाडू नव्हे तर आमच्यासारखे अधिकारी देखील सरकारच्या अनूमतीशिवाय पाकिस्तानात जाऊ शकत नाही. त्यासाठी सरकारने हिरवं कंदील दाखवणं गरजेचं आहे. त्यानंतरच कुठलाही निर्णय घेतला जाईल.' (Latest sports updates)
आशिया चषक स्पर्धेला येत्या ३० ऑगस्टपासून सुरूवात होणार आहे. या स्पर्धेतील पहिला सामनाा पाकिस्तान विरूद्ध नेपाळ या दोन्ही संघांमध्ये रंगणार आहे. हा सामना पाकिस्तानात रंगणार आहे. आशिया चषक स्पर्धेचे यजमानपद पाकिस्तानकडे आहे.
मात्र भारताने पाकिस्तानात जाऊन खेळण्यास स्पष्ट नकार दिला होता. त्यामुळे या स्पर्धेचे आयोजन हायब्रिड मॉडेलमध्ये केले जाणार आहे. या स्पर्धेतील केवळ ४ सामने पाकिस्तानात तर उर्वरीत ९ सामने श्रीलंकेत खेळवले जाणार आहेत.
भारतीय संघाचा पहिला सामना येत्या २ सप्टेंबर रोजी रंगणार आहे. या सामन्यात भारत आणि पाकिस्तान हे दोन्ही संघ आमने सामने येणार आहेत.
तर ही स्पर्धा झाल्यानंतर दोन्ही संघांचा वर्ल्डकपमध्ये आमना सामना होणार आहे. भारतात होणाऱ्या वनडे वर्ल्डकप स्पर्धेत १४ ऑक्टोबर रोजी भारत -पाकिस्तान सामना होणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
