NIT Recruitment: NIT मध्ये प्रोफेसर होण्याची सुवर्णसंधी; ४७ जागांसाठी सुरु आहे भरती; जाणून घ्या सविस्तर

नॅशनल इन्स्टिट्यूट ऑफ टेक्नोलॉजी येथे नोकरीची सुवर्णसंधी आहे.एनआयटीमध्ये असिस्टंट प्रोफेसर पदासाठी ही भरती करण्यात येणार आहे. याबाबत अधिकृत वेबसाइटवर माहिती देण्यात आली आहे. या नोकरीसाठी शैक्षणिक पात्रता आणि अर्जप्रक्रिया याबाबत सर्व माहिती वेबसाइटवर देण्यात आली आहे.

एनआयटी आगरतळा येथे नोकरीची संधी आहे. या नोकरीसाठी अर्ज करण्याची सुरुवात २१ ऑगस्टपासून सुरु झाली आहे. या नोकरीसाठी अर्ज करण्याची शेवटची तारीख ३० ऑगस्ट २०२४ आहे. या नोकरीसाठी इच्छुक उमेदवारांनी लवकरात लवकर अर्ज करावेत.

एनआयटीमध्ये असिस्टंट प्रोफेसरसाठी ४७ जागा रिक्त आहेत. तुम्ही ऑनलाइन पद्धतीने अर्ज करु शकतात. या भरती मोहिमेद्वारे केमिकल इंजिनियरिंग, बायो इंजिनियरिंग, केमिस्ट्री, मॅथेमॅटिक्स, फिजिक्स, सिव्हिल इंजिनियरिंग, मॅकेनिकल इंजिनियरिंग, इलेक्ट्रिकल इंजिनियरिंग, कम्प्युटर सायन्स अँड इंजिनियरिंग, प्रोडक्शन इंजिनियरिंग या विषयांसाठी प्रोफेसर पदासाठी भरती केली जाणार आहे.

या नोकरीसाठी अर्ज करणाऱ्या उमेदावाराने मान्यताप्राप्त विद्यापीठातून मास्टर्स पदवी प्राप्त केलेली असावी. याचसोबत यूजीपीसी नेट किंवा सीएसआयआर नेट, स्टेट एलिजिबिलिटी टेस्ट या परीक्षा दिलेल्या असाव्यात. पीएचडी केलेले उमेदवारदेखील या नोकरीसाठी अर्ज करु शकतात.