IIM Recruitment: IIM मध्ये नोकरीची सुवर्णसंधी; विविध पदांसाठी सुरु आहे भरती; अर्ज कसा करायचा? जाणून घ्या

८वी आणि दहावी पास उमेदवारांसाठी नोकरीची सुवर्णसंधी आहे. इंडियन इन्स्टिट्यूट ऑफ मॅनेजमेंट मुंबईमध्ये विविध पदांसाठी भरती सुरु आहे. ४ रिक्त पदांसाठी ही भरती जाहीर केली आहे. या नोकरीसाठी इच्छुक उमेदवारांनी अर्ज करावेत. या नोकरीसाठी तुम्ही ऑफलाइन पद्धतीने अर्ज करु शकतात.

IIM मध्ये नोकरी करण्यासाठी तुम्हाला ऑफलाइन पद्धतीने अर्ज पाठवायचे आहेत. २९ ऑगस्ट २०२४ ही अर्ज करण्याची शेवटची तारीख आहे. या नोकरीसाठी जाहिरात प्रसिद्ध करण्यात आली आहे.

ड्रायव्हर आणि पॅन्ट्री अटेंडेंट पदासाठी ही भरती केली जाणार आहे. ड्रायव्हर पदासाठी उमेदवाराने मान्यताप्राप्त बोर्डातून १२ वी पास असणे गरजेचे आहे. त्याचसोबत त्याच्याकडे ड्रायविंग लायसन्स असावे. या पदासाठी उमेदवाराला १५,००० ते २०,००० रुपये मासिक वेतन मिळणार आहे. पॅन्ट्री अटेंडेंट पदासाठी उमेदवाराने मान्यताप्राप्त संस्थेतून दहावी पास असणे गरजेचे आहे. याचसोबत कामाचा अनुभव असावा. या नोकरीसाठी उमेदवाराला १५,००० रुपये वेतन मिळणार आहे.

ड्रायव्हर पदासाठी १८ ते ३५ वयोगटातील उमेदवार अर्ज करु शकतात. पॅन्ट्री अटेंडंट पदासाठी १८ ते ४० वयोगटातील उमेदवार अर्ज करु शकतात. या नोकरीसाठी अर्ज करण्याची शेवटची तारीख २९ ऑगस्ट २०२४ आहे.

या नोकरीसाठी अर्ज तु्म्हाला ऑफलाइन पद्धतीने पाठवायचा आहे. प्रशासन विभाग, आयआयएम मुंबई, विहार तलाव, पवई, मुंबई ४०००८७ येथे अर्ज पाठवायचा आहे.