NABARD Recruitment: नाबार्डमध्ये सरकारी नोकरीची संधी; १६२ पदांसाठी भरती; अर्ज कसा करावा?

सरकारी नोकरीच्या शोधात असणाऱ्या तरुणांसाठी महत्त्वाची बातमी आहे. बँकेत सरकारी नोकरी करण्याची उत्तम संधी तुमच्याकडे आहे. नाबार्डमध्ये भरती जाहीर करण्यात आली आहे. राष्ट्रीय कृषी आणि विकास बँकेस सध्या ग्रुप बी डेव्हलपमेंट असिस्टंट पदांसाठी भरती जाहीर करण्यात आली आहे. या नोकरीसाठी अर्जप्रक्रिया सरु झाली आहे.

नाबार्डमधील डेव्हलपमेंट असिस्टंट पदासाठी अधिसूचना जाहीर करण्यात आली आहे. अर्जप्रक्रिया १७ जानेवारी २०२६ पासून सरु झाली आहे. या भरती मोहिमेत ग्रुप बी डेव्हलपमेंट असिस्टंट आणि डेव्हलपमेंट असिस्टंट (हिंदी) या पदांसाठी ही भरती होणार आहे. एकूण १६२ पदांसाठी भरती जाहीर केली आहे. तुम्ही या नोकरीसाठी ऑनलाइन पद्धतीने अर्ज करायचा आहे.

नाबार्डमधील या नोकरीसाठी तुम्ही www.nabard.org या वेबसाइटवर जाऊन अर्ज करायचा आहे. या नोकरीसाठी अर्ज करण्याची शेवटची तारीख ३ फेब्रुवारी २०२६ असणार आहे. २१ ते ३५ वयोगटातील उमेदवारांनी या नोकरीसाठी अर्ज करायचा आहे.या नोकरीसाठी उमेदवारांची निवड प्रिलियम्स, मेन्स, लँग्वेज प्रोफेशियंसी टेस्टद्वारे होणार आहे.

शैक्षणिक पात्रता

डेव्हलपमेंट असिस्ंटट पदासाठी उमेदवारांनी डिग्री प्राप्त केलेली असावी. डेव्हलपमेंट असिस्टंट (हिंदी) पदासाठी इंग्रजी किंवा हिंदी माध्यमातून पदवी प्राप्त केलेली असावी. त्यांनी या कोर्समध्ये हिंदी किंवा इंग्रजी विषयाचा अभ्यास केलेले असावा.

अर्ज कसा करावा?

सर्वात आधी www.nabard.org या वेबसाइटवर जा.

यानंतर करिअर नोटीसवर क्लिक करा.

यानंतर Click Here for New Registration वर क्लिक करा.

यानंतर रजिस्ट्रेशन करा. रजिस्ट्रेशन केल्यावर पुन्हा वेबसाइटवर लॉग इन करा.

यानंतर तुम्हाला Development Assistant भरती असा ऑप्शन दिसेल. त्यावर क्लिक करा.

यानंतर तुम्ही सर्व माहिती भरा आणि अर्ज सबमिट करा.

या अर्जाची प्रिंट आउट तुम्ही तुमच्याजवळ ठेवा.