ISRO Jobs: इस्त्रोमध्ये नोकरी करण्याची सुवर्णसंधी; पदवीधर उमेदवार करु शकतात अर्ज; जाणून घ्या सविस्तर

इंडियन स्पेस रिसर्च ऑर्गनायजेशन म्हणजेच इस्त्रोमध्ये नोकरी करण्याची सुवर्णसंधी आहे. इस्त्रोच्या ह्यूमन स्पेस फ्लाइट सेंटर (HSFC)ने विविध पदांसाठी भरती जाहीर केली आहे. इस्त्रासारख्या मोठ्या संस्थेत काम करण्याची ही उत्तम संधी आहे. या भरती मोहिमेत २२४ पदे रिक्त जागा आहेत.

इस्त्रोच्या या भरती मोहिमेत अर्ज करण्याची सुरुवात झाली आहे. या नोकरीसाठी अर्ज करण्याची शेवटची तारीख २३ ऑक्टोबर २०२४ आहे.या नोकरीसाठी इच्छुक उमेदवारांनी hsfc.gov.in या वेबसाइटवर जाऊन अर्ज करावेत. (ISRO Recruitment 2024)

या भरती मोहिमेत शैक्षणिक पात्रता वेगवेगळी असणार आहे. १०वी सोबत ITI, इंजिनियरिंग डिप्लोमा, बॅचलर डिग्री, बीएससी, एमई, एमटेक, एमबीबीएस पदवी प्राप्त केलेली असावी. याबाबत अधिसूचना अधिकृत वेबसाइटवर देण्यात आली आहे.

या नोकरीसाठी वयोमर्यादा पदानुसार वेगवेगळी आहे. १८ ते ३५ वयोगटातील उमेदवार या नोकरीसाठी अर्ज करु शकतात. या नोकरीसाठी अर्ज करण्यासाठी ७५० रुपये अर्ज फी भरावी लागणार आहे. (ISRO Recruitment)

या नोकरीसाठी उमेदवारांची निवड परिक्षेद्वारे केली जाणार आहे.नोकरीसाठी अर्ज करण्यासाठी तुम्हाला hsfc.gov.in या वेबसाइटवर जाऊन भरती या सेक्शनवर क्लिक करा. त्यानंतर स्वतः ला रजिस्टर करुन घ्यावे. यानंतर तुमच्यासमोर फॉर्म ओपन होईल. तो भरावा त्यानंतर शुल्क भरावे. या फॉर्मची प्रिंट आउट काढून तुमच्याजवळ ठेवा. (Isro Job)