Coast Guard Jobs: १०वी पास तरुणांना सरकारी नोकरीची संधी, तटरक्षक दलात भरती; अर्ज कुठे कराल? जाणून घ्या सविस्तर

भारतीय तटरक्षक दल म्हणजेच कोस्टगार्डमध्ये नोकरी करण्याची चांगली संधी आहे. कोस्टगार्ड मुंबई येथे भरती केली जाणार आहे. १०वी उत्तीर्ण तरुणांसाठी ही नोकरीची सुवर्णसंधी आहे.या नोकरीबाबत भारतीय तटरक्षक दलाने जाहिरात प्रकाशित केली आहे.

केंद्र सरकारअंतर्गत ही भरती केली जाणार आहे. सरकारी नोकरी करण्याची सुवर्णसंधी तुमच्याकडे आहे. फायरमन (अग्निशमन जवान, लष्कर आणि इतर) पदांसाठी भरती करण्यात येणार आहे.

कोस्टगार्ड मुंबई येथील नोकरीसाठी तुम्हाला ऑफलाइन पद्धतीने अर्ज करायचा आहे. १८ ते ३० वयोगटातील उमेदवार या नोकरीसाठी अर्ज करु शकतात. इंजिन ड्रायव्हर, लस्कर, फायर इंजिन ड्रायव्हर, फायरमन, सीएमटीडी, एमटी फिटर, फोर्कलिफ्ट ऑपरेटर, टर्नर या पदासाठी ही भरती जाहीर करण्यात आली आहे.

या नोकरीसाठी अर्ज करणाऱ्या उमेदवाराने मॅट्रिक किंवा समकक्ष परीक्षा म्हणजे १०वी उत्तीर्ण असणे गरजेचे आहे. ३६ रिक्त जागांसाठी ही भरती करण्यात येणार आहे.या नोकरीसाठी उमेदवारांची निवड परिक्षेद्वारे केली जाणाप आहे. गट क पदांवर नियुक्त करण्यात येणारे उमेदवार कोस्ट कार्ड क्षेत्र पश्चिम येथे कोणत्याही युनिटमध्ये काम करावे लागेल.

या नोकरीसाठी अर्ज करणाऱ्या उमेदवारांनी indiancoastguard.gov.in या वेबसाइटला भेट देऊन संपूर्ण माहिती वाचा.या नोकरीसाठी अर्ज करण्याची शेवटची तारीख १२ ऑक्टोबर २०२४ आहे. द कमांडर, कोस्ट गार्ड रिजन (पश्चिम), वरळी सी फेस, वरळी कॉलनी, मुंबई ४०००३० येथे तुम्हाला अर्ज पाठवायचा आहे.