EPFO Recruitment: EPFO मध्ये सरकारी नोकरीची सुवर्णसंधी; मिळणार भरघोस पगार; अर्ज कसा करावा?

अनेकांची सरकारी नोकरी करण्याची इच्छा असते. कर्मचारी भविष्य निर्वाह निधी संघटनेत नोकरी करण्याची संधी तुमच्याकडे आहे. या नोकरीसाठी तुम्ही अधिकृत वेबसाइटवर जाऊन अर्ज करु शकतात.

ईपीएफओमध्ये डेप्युटी डायरेक्टर, असिस्टंट डायरेक्टर या पदांसाठी भरती जाहीर करण्यात आली आहे. त्यामुळे चांगल्या सरकारी कंपनीत नोकरी करण्याची उत्तम संधी तुमच्याकडे आहे. २८ फेब्रुवारी रोजी याबाबत जाहिरात प्रकाशित करण्यात आली आहे. यानंतर ४५ दिवस म्हणजेच दीड महिन्यात तुम्हाला अर्ज करायचा आहे.

डेप्युटी डायरेक्टर पदासाठी ७ जागा रिक्त आहे. असिस्टंट डायरेक्टर पदासाठी १८ जागा रिक्त आहे. एकूण २५ पदांसाठी ही भरती जाहीर केली आहे. या नोकरीसाठी डेप्युटी डायरेक्टर पदासाठी ३९१०० रुपयांपर्यंत पगार मिळेल.याचसोबत इतर भत्तेदेखील देण्यात येतील.

ईपीएफओच्या या भरतीसाठी अर्ज करणाऱ्या उमेदवाराची कमाल वयोमर्यादा ५६ वर्षे असावी.या नोकरीसाठी अर्ज करण्याआधी अधिसूचना वाचावी. त्यानंतर अर्ज आणि त्याचसोबत आवश्यक कागदपत्रे ऑफलाइन पद्धतीने पाठवायची आहे. तुम्हाला अर्ज श्री दीपक आर्य, क्षेत्रीय भविष्य निधी आयुक्त २, प्लेट ए, ग्राउंड फ्लोर, ब्लॉक ३, ईस्ट किदवई नगर, नवी दिल्ली ११००२३ येथे पाठवायचा आहे.

इंडियन ओव्हरसीज बँकेत भरती

सध्या इंडियन ओव्हरसीज बँकेतही भरती जाहीर करण्यात आली आहे. ७५० रिक्त पदांसाठी ही भरती करण्यात येणार आहे. अप्रेंटिस पदासाठी ही भरती आहे. या नोकरीसाठी अर्ज करण्याची शेवटची तारीख ९ मार्च २०२५ आहे. कोणत्याही क्षेत्रात पदवीधर असलेल्या उमेदवारांनी अर्ज करायचा आहे.