Digital India Internship: कोणतीही परीक्षा नाही, थेट मंत्रालयात इंटर्नशिपची संधी; स्टायपेंडदेखील मिळणार; अर्ज कसा करावा?

शिक्षण पूर्ण झाले असेल अन् नोकरीच्या शोधात असाल तर ही बातमी खास तुमच्यासाठी. तुमच्याकडे सरकारी विभागात काम करण्याची संधी आहे. तुम्हाला मंत्रालयात इंटर्नशिप करण्याची सुवर्णसंधी मिळणार आहे.इलेक्ट्रॉनिक्स अँड इन्फॉर्मेशन टेक्नोलॉजीमध्ये नोकरी करण्याची संधी आहे. तुम्हाला २ महिन्यांची इंटर्नशिप मिळणार आहे. यासाठी रजिस्ट्रेशन करण्यास सांगितले आहे.

डिजिटल इंडियामध्ये इंटर्नशिप करण्याची संधी मिळणार आहे. तुम्ही intern.meity.gov.in वर जाऊन अर्ज करु शकतात. त्यामुळे तुम्हाला मंत्रालयात काम करण्याची संधी मिळणार आहे.ही इंटर्नशिप पेड असणार आहे.

डिजिटल इंडियामधील ही इंटर्नशिप कंटेट रायटिंगपासून ते व्हिडिओ एडिटिंग, वेब, डिजिटल आणि सायबर सिक्युरिटीपर्यंत ३३ क्षेत्रांमध्ये काम करण्याची संधी आहे. एकूण ५१ पदांसाठी ही भरती केली जाणार आहे.

या इंटर्नशिसाठी अर्जप्रक्रिया १० एप्रिल २०२६ पासून सुरु होणार आहे. या इंटर्नशिपसाठी अर्ज करण्याची शेवटची संधी २९ एप्रिल आहे. याचा निकाल १९ मे रोजी लागणार आहे. त्यानंतर १ जूनपासून ते ३१ जुलैपर्यंत इंटर्नशिप होणार आहे.

शैक्षणिक पात्रता (Eligibility)

डिजिटल इंडियामधील इंटर्नशिपसाठी अर्ज करणाऱ्या उमेदावारांनी पदवी प्राप्त केलेली असावी.बी.ई /बी.टेक/एम.ई/एम.टेक/एम.एस्सी (संगणक विज्ञान/माहिती तंत्रज्ञान/इलेक्ट्रॉनिक्स/कम्युनिकेशन)किंवा एमसीए/ डीओईएसीसी बी लेव्हल कोर्स केलेला असावा. इंटरनेट पब्लिक पॉलिसी किंवा ऑनलाइन गेमिंग पॉलिसी फील्डमध्ये एलएलबी केलेले असावे. डिजिटल इकोनॉमीमध्ये इकोनॉमिक्स आणि स्टॅस्टिस्टिक्समध्ये बॅचलर डिग्री प्राप्त केलेली असावी.

स्टायपेंड

सरकारी विभागातील इंटर्नशिप नवी दिल्लीत असणार आहे. या इंटर्नशिपसाठी उमेदवारांची निवड शॉर्टलिस्टिंग आणि इंटरव्ह्यूद्वारे होणार आहे.यानंतर लिस्ट डिजिटल इंडिया वेब पोर्टलवर अपलोड केली जाणार आहे. या इंटर्नशिपसाठी महिन्याला १०,००० रुपये स्टायपेंड म्हणजे दोन महिन्यासाठी २०,००० रुपये मिळणार आहेत.