पश्चिम बंगालमध्ये शिक्षिकेचे तडकाफडकी निलंबन
विद्यार्थ्याच्या कपाळावरील टिळा पुसल्याप्रकरणी कारवाई
कोलकात्यातील मिशनरी शाळेत टिळ्यावरून वाद
विद्यार्थ्याचा टिळा पुसणाऱ्या शिक्षिकेवर मुख्यमंत्र्यांच्या आदेशानंतर कारवाई
टिळा पुसल्याचा व्हिडिओ सोशल मीडियावर व्हायरल
पश्चिम बंगालमधील एका महिला शिक्षिकेला विद्यार्थ्याच्या कपाळावरील टिळा पुसल्याप्रकरणी मोठी किंमत मोजावी लागली आहे. मुख्यमंत्री सुवेंदू अधिकारी यांनी या प्रकरणाची दखल घेतली आणि त्यांच्या हस्तक्षेपानंतर एका खासगी मिशनरी शाळेने त्या शिक्षिकेला निलंबित केले. या शिक्षिकेने विद्यार्थ्याच्या कपाळावरील चंदनाचा टिळा पुसला होता. त्यामुळे संताप व्यक्त केला जात होता. या शिक्षिकेविरोधात गुन्हा दाखल करण्याचे निर्देशही मुख्यमंत्र्यांनी दिले आहेत. या कारवाईमुळे पश्चिम बंगालमध्ये जोरदार चर्चा होत आहे.
मिळालेल्या माहितीनुसार, महिला शिक्षिकेवरील आरोपांनंतर प्रशासनाने या प्रकरणाची चौकशी करून कारवाई केली. घडलं असं की, पश्चिम बंगालची राजधानी कोलकाता येथील एका खासगी मिशनरी शाळेतील महिला शिक्षिकेवर एका विद्यार्थ्याच्या कपाळावरील चंदनाचा टिळा वारंवार पुसल्याचा आरोप आहे. या घटनेचा व्हिडिओ सोशल मीडियावर व्हायरल झाला होता. या व्हिडिओमुळे शैक्षणिक संस्थांमधील धार्मिक स्वातंत्र्यावरून वाद निर्माण झाला होता. या प्रकरणामुळे पश्चिम बंगालमध्ये संताप व्यक्त केला जात आहे.
शिक्षण विभागाच्या एका अधिकाऱ्याच्या म्हणण्यानुसार, जेव्हा हे प्रकरण चिघळले तेव्हा ते मुख्यमंत्री शुभेंदू अधिकारी यांच्या निदर्शनास आले. त्यांनी तात्काळ या प्रकरणात हस्तक्षेप केला ज्यामुळे प्रशासनाने या प्रकरणाची चौकशी सुरू केली. ही घटना उघडकीस आल्यानंतर शाळेने त्या शिक्षिकेला तडकाफडकी निलंबित करण्यात आले. याव्यतिरिक्त, मुख्यमंत्री सुभेंदू अधिकारी यांनी शिक्षण विभागाच्या एका कर्मचाऱ्याला देखील निलंबित केले आहे. या कर्मचाऱ्यावर सोशल मीडियावर पंतप्रधान मोदींविरुद्ध आक्षेपार्ह टिप्पणी केल्याचा आरोप आहे.
निलंबित शिक्षण विभागाच्या कर्मचाऱ्याच्या प्रकरणात मुख्यमंत्री सुवेंदू अधिकारी यांनी कोलकाता येथे पत्रकार परिषदेत बोलताना स्पष्टपणे सांगितले की, पंतप्रधान मोदी किंवा घटनात्मक पद धारण करणाऱ्या इतर कोणत्याही व्यक्तीबद्दल सरकारी कर्मचाऱ्यांनी केलेली अपमानजनक टिप्पणी ते कोणत्याही परिस्थितीत सहन केले जाणार नाही. मुख्यमंत्र्यांनी केलेल्या या कारवाईची सध्या जोरदार चर्चा होत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.