देशावर घोंघावतंय सर्वात मोठं संकट! 'गॉडझिला'मुळे धडकी भरली, पुढील ३ महिने अत्यंत महत्त्वाचे; नेमका काय दिला इशारा?

Godzilla El Niño Update : भारतावर पुढील काही दिवसात एक मोठं नैसर्गिक संकट घोंघावण्याची शक्यता वर्तवण्यात आली आहे. जागतिक हवामान संघटनेने (WMO) 'गॉडझिला अल निनो'बाबत (Godzilla El Nino) अत्यंत भयंकर इशारा दिला आहे. या हवामान बदलामुळे संपूर्ण देशामध्ये पुढील ३ महिने तीव्र दुष्काळ किंवा महाभयंकर पुराचा धोका निर्माण होऊ शकतो, असा खळबळजनक अंदाज वर्तवला आहे.

हवामान तज्ज्ञांच्या मते पुढील ३ महिन्यांत देशातील मान्सूनवर परिणाम होऊ शकतो. पावसात तूट, तापमानात वाढ, जलसाठ्यांमध्ये घट आणि शेती क्षेत्रावर मोठा परिणाम होण्याची भीती व्यक्त केली जात आहे. काही भागांमध्ये दुष्काळसदृश्य परिस्थिती निर्माण होण्याची शक्यता वर्तवण्यात आली आहे. त्यामुळे शेतकरी आणि सर्वसामान्य नागरिकांची चिंता वाढली आहे.

भारताची चिंता वाढली, पण....

जागतिक हवामान संघटनेच्या या इशाऱ्यामुळे देशाची चिंता वाढली असली, तरी भारतासाठी एक आशेचा किरणही आहे. 'आयओडी' (IOD - Indian Ocean Dipole) आणि 'एमजेओ' (MJO - Madden-Julian Oscillation) या दोन सागरी आणि हवामान प्रणाली सध्या सक्रिय आहेत. या दोन्ही प्रणाली भारताला या संभाव्य दुष्काळ आणि पूरसदृश परिस्थितीपासून वाचवू शकतात, अशी माहिती समोर आली आहे.

महाराष्ट्रात पुढील ४८ तासांत वादळी पाऊस; ९ जिल्ह्यांना 'येलो अलर्ट'

एकीकडे जागतिक स्तरावर अल निनोचे संकट घोंघावत असताना, दुसरीकडे महाराष्ट्रात मात्र मान्सूनपूर्व हालचालींना वेग आला आहे. राज्यामध्ये पुढील ४८ तासांमध्ये मुसळधार आणि वादळी पावसाचा अंदाज हवामान खात्याने वर्तवला आहे. नाशिक, पुणे आणि छत्रपती संभाजीनगरसह राज्यातील एकूण ९ जिल्ह्यांमध्ये वादळी पावसाचा 'येलो अलर्ट' जारी करण्यात आला आहे. त्यामुळे ना शेतकऱ्यांना सतर्क राहण्याचे आवाहन करण्यात आले आहे.