आता वंदे भारतचा प्रवास होईल स्वस्त; फक्त १ ऑपशनवर क्लिक करा; ३०० रूपयांपर्यंत होईल बचत

वंदे भारत ट्रेनची सध्या भारतभर चर्चा आहे. अनेकांना या ट्रेनमधून प्रवास करायला आवडते. मात्र, या ट्रेनच्या तिकीटांची किंमत सामान्य एक्स्प्रेसच्या तुलनेत जास्त आहे. त्यामुळे अनेक जण या ट्रेनमधून प्रवास करणं टाळतात. पण तुम्हाला माहितीय का? की वंदे भारत ट्रेनच्या तिकीटातील दर कमी करण्यासाठी एक पर्यायाचा वापर करू शकता. यामुळे आपल्या तिकीटाच्या दरात कमालीची घट होऊ शकते.

खरंतर, वंदे भारत तिकीट बुक करताना तुम्हाला जेवणाचा पर्याय मिळतो. जर तुम्ही तो पर्याय निवडला नाही. तिकीटाच्या दरात घट होऊ शकते. वंदे भारतमध्ये जेवणाचा पर्याय नाकारून आपण सीसी कॅटगरीच्या तिकिटावर ३०० रूपयांपर्यंतची बचत कशी करू शकता?हे आपण जाणून घेऊयात.

तिकीट बुकिंगदरम्यान नेमकं काय लक्षात ठेवायचं?

वंदे भारत ट्रेनचं तिकीट बुक करताना IRCTCच्या वेबसाइट किंवा अॅपवर Meal / No Meal असा पर्याय दिलेला असतो. जर आपण No Meal हा पर्याय निवडला तर, जेवणाचा खर्च तुमच्या भाड्यातून वजा केला जातो. प्रवास करताना आपल्याला जेवण मिळत नाही. यामुळे आपल्या तिकीट भाड्याच्या दरात घट होते.

उदाहरणार्थ

नवी दिल्ली ते वाराणसी वंदे भारत एक्स्प्रेसचे एकूण भाडे १,७७८ आहे. ज्यात जेवणाचा खर्च समाविष्ट आहे. परंतु, जर तुम्ही जेवणाचा पर्याय नाकारलात तर, या तिकीट दरात २९० रूपयांची बचत होते. यासाठी आपल्याला १,४८८ रूपये मोजावे लागतील. जर, तुम्हाला दिल्ली वाराणसी या ८ तासांच्या प्रवासादरम्यान, ट्रेनमधील जेवण आवश्यक नसेल तर, तुम्ही ही तिकीटावर सहज बचत करू शकता.