Uttarakhand Road Accident : उत्तराखंडच्या नैनीतालमध्ये भीषण दुर्घटना, जीप दरीत कोसळली; 8 जणांचा जागीच मृत्यू

Uttarakhand Road Accident update :

उत्तराखंडच्या नैनीतालमधून मोठी दुर्घटना समोर आली आहे. उत्तराखंडमध्ये एक जीप दरीत कोसळून भीषण दुर्घटना घडली आहे. सोमवारी रात्री नैनीतालच्या बेतालघाटात ही घटना घडली. या अपघातात ८ जणांचा जागीच मृत्यू झाला आहे. तर तीन जण गंभीर जखमी झाले आहेत. त्यांना उपचारासाठी रुग्णालयात दाखल करण्यात आलं आहे.

मिळालेल्या माहितीनुसार, जीपमध्ये ११ जण प्रवास करत होते. नैनीतालच्या बेतालघाटात झालेल्या अपघातात ८ जणांचा मृत्यू झाला. तर तिघांना उपचारासाठी रुग्णालयात दाखल करण्यात आलं आहे. अपघाताची माहिती मिळताच पोलीस आणि प्रशासनाचं पथक घटनास्थळी पोहोचलं.

अपघातामधील मृतांचे नावे आले समोर

१. विशराम चौधरी (५०)

२. धीरज (४५)

३. अंतराम चौधरी (४०)

४. विनोद चौधरी

५. उदय राम चौधरी (५५)

६. तिलक चौधरी (४५)

७. गोपाल बसनियत (६०)

८. राजेंद्र कुमार

जखमींचे नाव

१. शांती चौधरी

२. छोटू चौधरी

३. प्रेम बहादूर

तत्पूर्वी, उत्तराखंडमध्ये काही दिवसांपूर्वी अपघाताची अशीच एक घटना घडली होती. या रस्ते अपघातात ३ जणांचा मृत्यू झाला होता. उत्तराखंडमधील गजा तालुक्यातील दुवाकोटीजवळ अपघाताची घटना घडली होती.

या वाहनात चालकासहित ११ लोक होते. या घटनेत दोघांचा जागीच मृत्यू झाला होता. तर एकाचा रुग्णलयात मृत्यू झाला होता. तर आठ जण गंभीर जखमी झाले होते. गाडीवरील नियंत्रण सुटल्याने ही भीषण अपघाताची घटना घडली होती.