Shocking: हॉटेलमध्ये वेश्या व्यवसाय, पोलिसांच्या धाडीत ४ जणी सापडल्या; २ रशियन तरुणींनी खिडकीतून उड्या मारल्या, VIDEO व्हायरल

उत्तर प्रदेशच्या वाराणसीमधून एक धक्कादायक बातमी समोर आली आहे. OYO हॉटेलवर वेश्या व्यवसाय सुरू असल्याचे कळताच पोलिसांनी त्याठिकाणी धाड टाकली. यावेळी चार खोल्यांमधून महिलांना रंगेहाथ पकडलं. तर २ रशियन तरुणींनी खिडकीतून उड्या मारून पळ काढला. पोलिसांनी अटक केलेल्या ४ तरुणी या दिल्ली आणि पश्चिम बंगालच्या असल्याची माहती समोर आली आहे. या महिला देहविक्री करत असल्याचे तपासातून उघड झाले.

मिळालेल्या माहितीनुसार, शुक्रवारी रात्री उशिरा पोलिसांनी वाराणसी शहरातील एका हॉटेलवर ही धाड टाकली. घटनास्थळावरून पोलिसांनी आक्षेपार्ह वस्तू जप्त केल्या. या हॉटेलवर गेल्या अनेक दिवसांपासून वेश्या व्यवसाय सुरू होता. या ठिकाणी देशभरासह परदेशातील महिलांना आणून ग्राहकांना दिले जात होते. या वेश्या व्यवसायाबाबतची माहिती पोलिसांना मिळाली होती. या माहितीच्या आधारे पोलिसांनी हॉटेलवर छापा टाकला. या छाप्यावेळी चार महिला आढळून आल्या.

अटक केलेल्या महिलांची पोलिसांनी चौकशी केली. यावेळी त्यांनी एका ट्रॅव्हल एजंटने आपल्या आमिष दाखवत वाराणसीला आणून इथे ग्राहकांना भेटण्यास भाग पाडले होते असे सांगितले. पोलिसांनी या महिलांना रंगेहाथ पकडले. तर दोन रशियन महिलांना खिडक्यातून उडी मारून पळ काढला. पोलिसांनी हॉटेलमधून मोबाईल, जायरी आणि विविध गुन्हेगारी साहित्य जप्त केले. हे हॉटेल ओयो रूम्सच्या बॅनरखाली चालवले जात होते आणि या ठिकाणी बेकायदेशीर कामे केली जात होती अशी माहिती तपासातून उघड झाली आहे.

या प्रकरणी पोलिसांनी हॉटेल ऑपरेटर, ट्रॅव्हल एजंट आणि त्यांच्या इतर सहकाऱ्यांविरोधात गुन्हा दाखल केला आहे. आरोपींमध्ये दसमीत सिंग, अमन राय, पीयूष जयस्वाल, उमेश यादव आणि शिवम शर्मा यांचा समावेश आहे. पोलिसांना या हॉटेलवर वेश्या व्यवसाय सुरू असल्याच्या अनेक तक्रारी आल्या होत्या त्यानंतर धाड टाकत ४ महिलांना अटक केली. या सर्व महिलांची पोलिस चौकशी करत आहेत. या वेश्या रॅकेटमध्ये आणखी कोण-कोण सहभागी आहेत याचा तपास पोलिस करत आहेत.