पिंपरी चिंचवडमध्ये सामाजिक कार्यकर्ते नकुल भोईर हत्या प्रकरणात मोठा ट्विस्ट
नकुल यांची हत्या बायको आणि तिच्या प्रियकरानेच केली हत्या
आरोपी चैताली भोईर आणि सिद्धार्थ पवार दोघांना पोलिसांनी केली अटक
अनैतिक संबंध आणि घरगुती वादातून हत्या झाल्याचे उघड
पिंपरी चिंचवडमधील संभाजी ब्रिगेडचे पदाधिकारी आणि सामाजिक कार्यकर्ते नकुल भोईर हत्या प्रकरणाला वेगळे वळण आले आहे. या प्रकरणात नकुल भोईर यांची बायको चैतालीच्या प्रियकराला पोलिसांनी अटक केली. नकुल भोईर यांची हत्या त्यांच्या बायकोने केली होती. या प्रकरणी चैतालीला पोलिसांनी आधीच अटक केली आहे. आता या प्रकरणात पोलिसांनी तिच्या प्रियकराला अटक केली. आतापर्यंत या प्रकरणात दोघे जण अटकेत आहेत. पोलिस सध्या या प्रकरणाचा तपास करत आहेत.
नकुल भोईर हत्या प्रकरणात आज पोलिसांनी आणखी एकाला अटक केली. चैताली भोईरचा प्रियकर सिद्धार्थ पवारला (२१ वर्षे) पोलिसांनी बेड्या ठोकल्या. पिंपरी-चिंचवड पोलिसांनी ही कारवाई केली आहे. सिद्धार्थ पवार हा देखील पिंपरी चिंचवडमध्ये राहतो. चैताली आणि सिद्धार्थ यांचे प्रेमसंबंध सुरू होते.
संभाजी ब्रिगेडचे पदाधिकारी नकुल आनंद भोईर (४० वर्षे) यांची २४ नोव्हेंबरला हत्या करण्यात आली होती. मध्यरात्री अडीच ते पावणे तीनच्या सुमारास ही घटना घडली होती. नकुल भोईर यांची हत्या त्यांची बायको चैताली भोईरने (२८ वर्षे) हिने केली होती. दोघेही चिंचवड पोलिस स्टेशन हद्दीत माणिक कॉलनी या ठिकाणी राहत होते. नकुल भोईल यांना चैतालीचे अनैतिक संबंध असल्याचा संशय होता. यावरून दोघांमध्ये नेहमी वाद होत होते.
२४ नोव्हेंबरला देखील चैतानी आणि नकुल यांच्यात याच कारणावरून वाद झाला. रागाच्या भरात चैतालीने ओढणीने गळा आवळून नकुलची हत्या केली होती. या घटनेनंतर पोलिसांनी चैतालीला अटक करत तपास सुरू केला होता. नकुल भोईर हे मराठा सेवा संघ तसेच संभाजी ब्रिगेडचे पदाधिकारी होते. या प्रकरणात आता पोलिसांनी चैतालीच्या प्रियकराला देखील अटक केली.
नकुल भोईर हत्या प्रकरणाचा तपास करत असताना पोलिसांना संशय होता की, एकटी चैताली नकुलची हत्या करूच शकत नाही. तिला कुणी तरी साथ दिली असावी. पोलिसांनी चैतालीची कसून चौकशी केली असता तिने सुद्धार्थ पवारने हत्येसाठी मदत केल्याची कबुली दिली. चैताली आणि सिद्धार्थने पूर्वनियोजित कट रचत नकुलची हत्या केली. त्यानंतर पोलिसांनी सिद्धार्थला बेड्या ठोकल्या.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.