Student Shot Teacher: बापरे! विद्यार्थ्यांनी शिक्षकावर झाडली गोळी; घटनेचा व्हिडीओ व्हायरल

Student Crime News:

उत्तर प्रदेशच्या आगरायेथे गुरू आणि शिष्याच्या नात्याला काळीमा फासणारी घटना घडली आहे. विद्यार्थ्यांनी आपल्या शिक्षकावरच गोळी झाडलीये. गोळी लागल्यावर उपस्थित अन्य व्यक्तींनी शिक्षकाला रुग्णालयात दाखल केले. सध्या शिक्षकावर रुग्णालयात उपचार सुरू असून प्रकृती स्थिर असल्याचे समजले आहे. (Latest Crime News)

विद्यार्थ्यांची मुजोरी एवढ्यावरच थांबली नाही. त्यांनी या घटनेचा व्हिडीओ देखील रेकॉर्ड केला आणि तो व्हायरलही केला. व्हिडीओमध्ये या विद्यार्थ्यांनी म्हटलंय की, "बंदूकीत ४० गोळ्या होत्या एक मारलीये आणि ३९ बाकी आहेत. महिन्याभरानंतर पुन्हा त्याला गोळी मारणार" असं या तरुणांनी म्हटलं आहे.

ही संपूर्ण घटना उत्तर प्रदेशच्या आगरामधील खंदौली येथे घडलीये. पोलीस आयुक्त पश्चिमी सोनम कुमार यांनी याबाबत दिलेल्या माहितीनुसार, विद्यार्थी क्लासजवळ जाऊन उभे राहिले. त्यांनी शिक्षकाला काही कारणास्तव बाहेर बोलवून घेतले. शिक्षक बाहेर आल्यावर या विद्यार्थ्यांनी त्यांच्या पायावर गोळी झाडली आणि तेथून पळ काढला.

शिक्षकाचा मोठा भाऊ आणि विद्यार्थी यांच्यात काही कारणास्तव वाद झाल्याचं म्हटलं जातंय. भावाशी असलेल्या भांडणाचा विद्यार्थ्यांनी शिक्षकावर हल्ला करून बदला घेतलाय, अशीही चर्चा होतेय. पोलिसांनी या प्रकरणी आरोपींना अटक करण्यासाठी टीम तयार केली आहे. गावात सध्या आरोपींचा शोध सुरू आहे. आरोपींना ताब्यात घेऊन त्यांच्यावर योग्य ती कारवाई केली जाईल आसं पोलिसांनी म्हटलंय.