भीषण अपघाताचा थरार! भरधाव कार कंटेनरला धडकली, ५ जणांचा जागीच मृत्यू

उत्तर प्रदेशच्या आजमगड जिल्ह्यातील पूर्वांचल एक्स्प्रेस-वेवर भीषण अपघाताची घटना घडली आहे. भीषण अपघातात ५ जणांचा मृत्यू झाला आहे. भरधाव कार अनियंत्रित होऊन रस्त्याच्या कडेला उभ्या असलेल्या कंटेनरला धडकली. यात कारमधील पाच जणांचा मृत्यू झाला. भीषण अपघातामुळे मृतांच्या नातेवाईकांना मोठा धक्का बसला आहे.

पोलिसांनी घटनास्थळी पोहोचून पाच जणांचे मृतदेह ताब्यात घेत पोस्टमार्टमसाठी रुग्णालयात पाठवले. मिळालेल्या माहितीनुसार, आजमगड जिल्ह्याच्या कंधरापूर पोलीस स्टेशनच्या पूर्वांचल एक्स्प्रेस-वेवर अपघात झाला. हरियाणाची ही कार लखनौच्या दिशेने चालली होती. ही कार अनियंत्रित होऊन थेट रस्त्यावरील कंटेनरला धडकली. अपघातात कारचा चक्काचूर झाला. कारमधील ५ जणांचा जागीच मृत्यू झाला.

अपघात झाल्यानंतर मोठा आवाज झाला. स्थानिक लोक आणि इतर वाहनांमधील मदतीला धावले. परंतु तोपर्यंत कारमधील ५ जणांचा मृत्यू झाला होता. स्थानिकांनी तातडीने पोलिसांनी माहिती कळवली. पोलीस तातडीने रुग्णवाहिकेला घटनास्थळी घेऊन पोहोचले. कारमधील मृतदेह रुग्णवाहिकेतून शवगृहात नेले. मृतांचे नातेवाईक आल्यानंतर पोस्टमार्टम केलं जाणार आहे. या घटनेने परिसरात खळबळ उडाली आहे.

पोलिसांनी क्रेनच्या मदतीने कार रस्त्यातून बाजूला हटवली. त्यामुळे वाहतूक पुन्हा सुरळीत झाली. मृतांमध्ये २ महिला आणि तीन पुरुषांचा समावेश आहे. इतर वाहनधारकांच्या दाव्यानुसार, कार चालकाला डुलकी लागली, त्यामुळे कार अनियंत्रित झाली. कार वेगात असल्याने चालकाला परिस्थिती हाताळता आली नाही. त्यामुळे कार थेट कंटेनरला धडकली. पोलिसांनी या अपघात प्रकरणी तपासाला सुरुवात केली आहे.