Child Safety Alert : कफ सिरप प्यायल्याने ६ चिमुकल्यांचा मृत्यू; २ औषधांवर तात्काळ बंदी, धक्कादायक कारण समोर

मध्य प्रदेशच्या छिंदवाडा येथील कोयलांचलमध्ये कफ सिरप प्यायल्याने ६ चिमुकल्यांचा मृत्यू झाल्याची घटना घडली आहे. चिमुकल्यांच्या मृत्यूने एकच खळबळ उडाली आहे. कफ सिरप प्यायल्याने चिमुकल्यांची किडनी खराब होऊन मृत्यू झाल्याचं कारण समोर आलं आहे. या सिरपमुळे चिमुकल्यांना सर्दी-खोकला व्हायचा. या घटनेनंतर दोन औषधांवर बंदी घालण्यात आली आहे.

मीडिया रिपोर्टनुसार, भोपाळमध्ये आरोग्य विभागाने २ कफ सिरफवर बंदी घातली आहे. प्रशासनाने कोल्ड्रिफ आणि नेक्सट्रॉस डीएस कफ सिरप विक्रीवर बंदी घातली आहे. आरोग्य अधिकारी डॉक्टर मनीष शर्मा यांच्या आदेशनानंतर दोन कफ सिरपवर बंदी घालण्यात आली आहे. दोन्ही औषधे भोपाळमधील सरकारी आरोग्य केंद्रात उपलब्ध नसतात. भोपाळच्या खासगी औषधांच्या दुकानात दोन्ही कफ सिरप उपलब्ध व्हायची.

या घटना २० सप्टेंबर रोजी घडल्या. परासिया. उमरेठ, जाटाछापर, बडकुही विभागातील चिमुकले मुलं आजारी पडू लागले आहेत. या चिमुकल्यांच्या नातेवाईकांनी खासगी औषधांच्या दुकानांमधून खरेदी केलं होतं. त्यानंतर या लहान मुलांची तब्येत बिघडली होती. तर नागपूरमध्येही एक चिमुकल्याचा मृत्यू झाल्याची घटना घडली आहे.

रिपोर्ट्सच्या माहितीनुसार, छिंदवाडाचे जिल्हाधिकारी शीलेंद्र सिंह यांनी दिलेल्या माहितीनुसार, चिमुकल्यांचा मृत्यू साथीच्या आजाराने झाला नव्हता. लहान मुलांची रक्त चाचणी केली. त्यावेळी कोणत्याही प्रकारचा व्हायरस किंवा बॅक्टेरियाची लागण झाल्याचं आढळलं नाही.

आयसीएमआर दिल्ली आणि भोपाळच्या टीमने तपासणी करताना बायोप्सी केली. त्यावेळी लहान मुलांच्या किडनी कफ सिरपमुळे बिघड्याचं समोर आलं. या घटनेनंतर घरातील मुले आजारी पडल्यानंतर डॉक्टरांचा सल्ला घेतल्याशिवाय औषधे देऊ नयेत, असा सल्ला प्रशासनाने दिला आहे.