सरस्वती पूजन करून परतणाऱ्या विद्यार्थ्याच्या अपघाती मृत्यू
राज पेडणेकर या शाळकरी विद्यार्थ्याचा जागीच मृत्यू झालाय
दोन विद्यार्थी गंभीर जखमी
अपघातानंतर संतप्त ग्रामस्थांचा रास्ता रोको
मुंबई-गोवा महामार्गावर झाराप येथे कार आणि दुचाकीचा भीषण अपघात झालाय. या अपघातात शाळकरी मुलगा जागीच ठार झाला. या अपघातानंतर संतप्त ग्रामस्थांनी महामार्ग रोखला. त्यामुळे वाहतूक ठप्प झाली होती.
मिळालेल्या माहितीनुसाल, शाळेत सरस्वती पूजन करून घरी परतणाऱ्या शाळकरी मुलांच्या दुचाकीला कारची धडक बसली. या अपघातात एक मुलगा जागीच ठार झाला. तर अन्य दोघे विद्यार्थी गंभीर जखमी झाले आहेत.
मुंबई-गोवा महामार्गावर कुडाळ झाराप फाटा येथे ही घटना घडली. राज पेडणेकर असे मृत मुलाचे नाव आहे. तर त्याच्यासमवेत सोहम परब आणि लवू रविंद्र पेडणेकर हे दोघे जखमी झाले आहेत.
अपघातामधील जखमींना उपचारासाठी सावंतवाडी येथे रुग्णालयात दाखल करण्यात आलं आहे. अपघातानंतर संतप्त ग्रामस्थांनी महामार्ग रोखून धरला होता. त्यामुळे दोन्ही बाजूने वाहतूक ठप्प झाली होती. जोपर्यंत कार चालकावर कारवाई केली जात नाही, तोपर्यंत मृतदेह ताब्यात घेणार नाही, अशी भूमिका ग्रामस्थांनी घेतली होती. मात्र पोलीसांनी कारवाई करण्याचे आश्वासन दिल्यानंतर रास्तारोको मागे घेण्यात आला.
मुंबई-गोवा महामार्गावर सिंधुदुर्ग आणि रत्नागिरीच्या सीमेवर ट्रेलरचा अपघात झालाय. तीव्र उतार आणि वळणावर चालकाचे ट्रेलरवरील नियंत्रण सुटलं. त्यानंतर गोव्याहून मुंबईकडे जाणारा ट्रेलर जवळपास शंभर फुट खोल दरीत कोसळला. या भीषण अपघातात ट्रेलरचालक गंभीर जखमी झालाय. या अपघाताच्या ठिकाणी असलेल्या खारेपाटण एसटी बस स्थानकावर एसटी बसची वाट पाहत असलेल्या २० ते २५ महिला सुदैवाने थोडक्यात बचावल्या.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.