माजी मुख्यमंत्र्यांना मोठा धक्का; खासदाराने तडकाफडकी दिला पदाचा राजीनामा

पश्चिम बंगालचे माजी मुख्यमंत्री ममता बॅनर्जी आणि त्यांच्या पक्षाच्या अडचणी दिवसेंदिवस वाढू लागल्या आहेत. तीन खासदारानंतर आता आणखी एका खासदार महिलेने राजीनामा दिला आहे. राज्यसभा खासदार कोयल मल्लिक असे राजीनामा देणाऱ्या खासदाराचे नाव आहे.

पश्चिम बंगालमध्ये सुखेंदू शेखर रे, सुष्मिता देव आणि प्रकाश चिक बराइक यांनी आधीच पदाचा राजीनामा दिला आहे. त्यानंतर कोयल मल्लिक यांनीही राजीनामा दिलाय. त्यांनी पक्षातील सदस्यत्वाचा राजीनामा दिलाय का, हे अद्याप स्पष्ट झालेलं नाही.

पश्चिम बंगालच्या विधानसभा निवडणुकीत पराभव झाल्यानंतर ममता बॅनर्जी यांच्या पक्षाची पडझड सुरू झाली आहे. विधानसभा निवडणुकीच्या निकालानंतर तीन डझनहून अधिक आमदारांनी ममता बॅनर्जी यांच्यापासून दूर होण्याचा निर्णय घेतला. त्यानतंर एक डझन लोकसभा खासदारांनी काकोली घोष दास्तीदार यांच्या नेतृत्वात ममता बॅनर्जी यांची साथ सोडण्याचा निर्णय घेतला.

१३ राज्यसभा खासदारांच्या साथीने केंद्र सरकारवर लक्ष्य करण्यास निघालेल्या ममता बॅनर्जी यांच्या अडचणीत आणखी भर पडली आहे. आता राज्यसभा खासदारांनीही ममता बॅनर्जी यांचं टेन्शन वाढवलं आहे. सर्वात आधी शुखेंदु शेखर रे यांनी ८ जून रोजी राजीनामा दिला. आतापर्यंत एकूण ४ खासदारांनी राजीनामा दिला आहे.

ममता बॅनर्जी यांनी अभिनेत्री कोयल मल्लिक यांना या वर्षी एप्रिल महिन्यात राज्यसभेवर पाठवलं होतं. राज्यसभा खासदारकीच्या शपथ घेताना भरपूर आनंदी दिसत होत्या. त्यावेळी देशसेवा करणार असल्याची प्रतिक्रिया दिली होती.

कोण आहेत कोयल मल्लिक?

पश्चिम बंगालच्या इंडस्ट्रीतील प्रसिद्ध अभिनेत्री कोयल मल्लिक यांचं खरं नाव रुक्मिणी मल्लिक आहे. अभिनेते रंजीत मल्लिक यांच्या घरी जन्माला आलेल्या कोयल यांनी सिनेसृष्टीतच काम करण्याची इच्छा व्यक्त केली होती. २००३ साली 'नाटेर गुरु' नावाच्या सिनेमाच्या माध्यमातून सिनेसृष्टीत पदार्पण केलं. तरुणांमध्ये प्रसिद्ध असलेल्या कोयल यांना ममता बॅनर्जी यांनी एप्रिल २०२६ रोजी राज्यसभेवर पाठवलं होतं.