स्लोव्हाकियाचे पंतप्रधान रॉबर्ट फिको यांच्यावर जीवघेणा हल्ला झालाय. मंत्रिमंडळ बैठकीनंतर जनतेला संबोधित करत असताना त्यांच्यावर हल्ला झालाय. हल्लेखोराने पंतप्रधानांना मारण्यासाठी अनेक राऊंड गोळीबार केला. या गोळीबारात पंतप्रधान रॉबर्ट फिको जखमी झाले असून त्यांना रुग्णालयात दाखल करण्यात आलय.
जपानचे माजी पंतप्रधान शिंजो आबे यांच्याप्रमाणेच स्लोव्हाकियाच्या पंतप्रधानांवर गोळी झाडण्यात आलीय. या गोळाबारात रॉबर्ट फिको जखमी झाले असून त्यांच्याबाबत अद्याप कोणतेही अपडेट आलेले नाहीये. हल्लेखोर एक होता की एकापेक्षा जास्त होते त्यांची माहितीही मिळालेली नाहीये. परंतु पंतप्रधानांवर गोळीबार करणाऱ्या व्यक्तीचे वय ७१ असल्याचे सांगण्यात येत आहे.
रॉबर्ट फिको यांना दोन गोळ्या लागल्या आहेत. एक गोळी छातीत तर दुसरी पोटात लागल्याचं माहिती हाती आलीय. दरम्यान सुरक्षा दलाने हल्लेखोराला अटक केलीय. हा हल्ला का करण्यात आला हे सध्या स्पष्ट झालेले नाही. हल्ल्यानंतर लगेचच सुरक्षा दलांनी पंतप्रधानांना रुग्णालयात नेले असून त्यांची प्रकृती चिंताजनक असल्याचं सांगितलं जात आहे.
दुसरीकडे सुरक्षा दलाकडून आरोपीची चौकशी करण्यात येत आहे. स्लोव्हाकिया हा पूर्व युरोपमधील एक देश आहे. या देशाच्या चारही बाजूंना भूभागाची सीमा लाभलीय. हा असा देश आहे ज्याच्या सीमेला समुद्रकिनारा लाभलेला नाहीये. या देशाचे क्षेत्रफळ अंदाजे ५० हजार चौरस किलोमीटर आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.