भारतीय जनता पक्षाचे आमदार गोविंद परमार यांचे शुक्रवारी निधन झाले. या दु:खद घटनेमुळे राजकीय वर्तुळात शोककळा पसरली आहे. त्यांच्यावर गुजरात येथील आनंद शहरातील रुग्णालयात उपचार सुरू होते, त्यांच्या निधनानंतर भाजपच्या नेत्यांनी याबाबत अधिकृत माहिती दिली. गुजरातचे भाजप प्रदेशाध्यक्ष जगदीश विश्वकर्मा यांनी एक्सवर पोस्ट करत त्यांना श्रद्धांजली अर्पण केली.
ते म्हणाले उमरेठ विधानसभेचे लोकप्रिय आमदार गोविंद भाऊ परमार यांच्या निधनाचे वृत्त आता समजले. देव त्याच्या आत्म्यास शांती देवो! तसेच ईश्वर त्याच्या कुटुंबीयांना या दुखातून सावरण्यास बळ देवो अशी प्रार्थना त्यांनी केली. पुढे ते म्हणाले की आनंद शहराचे आणि गुजरातचे अनुभवी नेता जे चारवेळा आमदार राहून गेले. त्यांच्या जण्याने पक्षात मोठी पोकळी निर्माण झाली आहे.
गोविंद परमार यांनी आपला राजकीय प्रवास 30 वर्षांपूर्वी केला होता. 1995 मध्ये ते आनंद जिल्ह्यातून अपक्ष म्हणून निवडून आले होते. त्यानंतर त्यांनी 1998 मध्ये कॉँग्रेस पक्षात प्रवेश केला. कॉँग्रेसच्या तिकिटावर ते पुन्हा दुसऱ्यांदा निवडून आले. मात्र 2003 मध्ये झालेल्या निवडणुकीत त्यांचा दारुण पराभव झाला. परभवानंतर त्यांनी भाजपमध्ये प्रवेश केला. 2008 मध्ये त्यांनी पुन्हा निवडणूक लढवली मात्र त्याहीवेळी त्यांना पराभवाला सामोरे जावे लागले. 2017 आणि 2022 च्याक विधानसभा निवडणुकीत त्यांनी भाजपच्या तिकिटावर दणदणीत विजय मिळवला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.