School Fee Hike: सांगा शिकायचं कसं? शाळेच्या फीमध्ये ८० टक्क्यांपर्यंत वाढ?

School Fee Hike from 50 to 80%: सध्या महागाई खूप जास्त वाढत आहे. त्यात लहान मुलांच्या शाळांची फी वाढत आहे. शाळांची फी वाढल्याने सर्वसामान्य नागरिकांच्या मात्र खिशाला फटका बसत आहे.
School Fee Hike
School Fee HikeSaam Tv
Published On

देशातील शिक्षण दिवसेंदिवस महाग होत चाललं आहे. गेल्या तीन वर्षांत देशभरातील खाजगी शाळांच्या शुल्कामध्ये तब्बल 50 ते 80 टक्क्यांनी वाढ झाली आहे. एका संस्थेनं केलेल्या सर्वेक्षणात देशभरातील 300 हून अधिक जिल्ह्यांमधील 85 हजारांहून अधिक पालकांबरोबर संवाद साधण्यात आला.आणि त्यातून देशभरात खाजगी शाळा दरवर्षी 10-15 टक्के शुल्क वाढवत असल्याचं समोर आलं. तर महाराष्ट्रातही 44 टक्के पालकांनी त्यांच्या पाल्यांच्या शाळेच्या फी मध्ये 50 ते 80 टक्क्यांची वाढ झाल्याचं सांगितलंय.

School Fee Hike
Maharashtra School: विद्यार्थ्यांसाठी महत्वाची बातमी, शाळांच्या वेळापत्रकात बदल; आता सकाळी ७ ऐवजी...

शाळा की लुटीचे कारखाने ?

  • गेल्या तीन वर्षांत शुल्कात 50 टक्क्यांहून अधिक वाढ, 42 टक्के पालकांची माहिती

  • 26 टक्के पालकांकडून 80 टक्क्यांपर्यंत शुल्क वाढीची माहिती

  • अनेक खासगी शाळांकडून वाढीव शुल्कात बांधकाम, तंत्रज्ञान, देखभाल शुल्काचा समावेश

  • करोनानंतर शाळांकडून खाजगी वाहतूक, डिजिटल शिक्षणाच्या नावाखाली अतिरिक्त पैशांची मागणी,पालकांचे आरोप

School Fee Hike
School Bus Rule: दारु पिऊन स्कूल बस चालवाल, तर नोकरी गमवाल! VIDEO

फी वाढीवर पालकांच्या प्रतिक्रिया

खाजगी शाळांच्या फी वाढीवर नियंत्रण ठेवण्यासाठी विशेष समितीची स्थापना करण्याची राज्यसरकारची घोषणा हवेतच विरल्याचं चित्र आहे.शाळांच्या वाढत्या शुल्कावर नियंत्रण ठेवण्यासाठी सरकारने काही नियम बनवले आहेत मात्र त्या नियमांनाही धडधडीतपणे केराची टोपली दाखवली जाते. तीन वर्षातली 80 टक्कयांची ही वाढ ही केवळ शालेय शिक्षणातली आहे.वेगवेगळ्या अभ्यासक्रमांनुसार ही फी वाढ बदलत असते.ही अनियंत्रित वाढ रोखण्यासाठी कुणीच प्रतिबंध करत नसल्यानं खाजगी शाळा म्हणजे लुटीचे कारखाने बनले आहेत आणि त्याचा फटका मात्र सामान्यांना बसतो आहे.

School Fee Hike
11th Admission: अकरावीच्या विद्यार्थ्यांसाठी आनंदाची बातमी! प्रवेशप्रक्रियेसाठी मुदतवाढ | VIDEO

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com