School Bus Rule: दारु पिऊन स्कूल बस चालवाल, तर नोकरी गमवाल! VIDEO

विद्यार्थ्यांच्या सुरक्षित वाहतुकीसाठी राज्य सरकारच्या शिक्षण विभागानं नुकताच एक महत्त्वाचा जीआर जाहीर केलाय. त्यानुसार शालेय बस चालकांची ओळख आणि पार्श्वभूमी तपासणी बंधनकारक करण्यात आलंय. तसंच दर आठवड्याला चालक, महिला परिचारिका आणि स्वच्छता कर्मचाऱ्यांची मद्यपान आणि अमली पदार्थ तपासणी सक्तीची करण्याचे निर्देश देण्यात आलेत. शाळांनी अशा चालकांची नियुक्ती करताना अत्यंत काटेकोरपणे पार्श्वभूमी तपासणी करावी, असे आदेश शिक्षण विभागाने दिले आहेत. विद्यार्थ्यांच्या सुरक्षेसाठी हा महत्त्वाचा निर्णय घेण्यात आला आहे. आता जर तुम्ही दारु पिऊन जर स्कूल बस चालवत असाल तर तुमच्यावर कारवाई होणार आहे. तुमची नोकरी तुम्हाला गमवावी लागेल.