एसटी कोमात तर खाजगी वाहतूक जोमात; 275 कामगार निलंबित तर 98 बडतर्फ

दीपक क्षीरसागर

लातूर : राज्यातील एसटी कर्मचाऱ्यांच्या संपाचा (ST Strike LAtur) तिढा अद्यापही सुटला नाही. यावर एसटी प्रशासनाने कर्मचाऱ्यांवर कारवाईचा बडगा उगारला असून आतापर्यंत लातुर (Latur) विभागात 275 कर्मचाऱ्यांना निलंबित तर 98 कर्मचाऱ्यांना बडतर्फ करण्यात आले आहे. दुसरीकडे प्रवाश्यांची सोया व्हावी म्हणून खाजगी वाहतुकीला परवानगी दिली आहे. यामुळे एसटी कोमात तर खाजगी वाहतूक जोमात अशी लातुर जिल्ह्यातील स्थिती निर्माण झाली आहे.

गेल्या दोन महिन्यापेक्षा जास्त काळापासून एसटीची चाके जागेवरच आहेत शासनात विलीनीकरण झाल्याशिवाय माघार घेणार नाही. अशी भूमिका आंदोलकांनी घेतली आहे यावर जिल्ह्यातील सर्व बसस्थानाकावरून खाजगी वाहतुकीची परवानगी दिली आहे. पण मर्यादेपर्यंत प्रवाशी बसण्याऐवजी जास्त लोकांना बसवून वाहतूक सुरू आहे.

हे देखील पहा-

यामुळे प्रवाशाच्या जीवाला धोका आहे. यावर ना RTO ना पोलीस प्रशासनाचे नियंत्रण नाही तर दिवसाला लातुर जिल्ह्यातील एसटीला 15 कोटीचा तोटा होत आहे. प्रवाश्याची गैरसोय होत असल्याने प्रशासनाने कारवाईचा बडगा उगारत आजतागायत लातुर विभागात 275 कर्मचाऱ्यांना निलंबित तर 98 कर्मचाऱ्यांना बडतर्फ करण्यात आले आहे.