Rajasthan News: OMG! एक, दोन नव्हे, पोटातून निघाले तब्बल ६००० खडे; कर्मचारी मोजून थकले, ऑपरेशन करताना डॉक्टरांना घाम फुटला

राजस्थान, ता. ९ सप्टेंबर

6110 Stones In Stomach Rajasthan News: राजस्थानमधून एक धक्कादायक बातमी समोर आली आहे. राजस्थानच्या कोटा जिल्ह्यात एका वृद्ध व्यक्तीच्या पोटातून तब्बल ६००० खडे निघाल्याने खळबळ उडाली आहे. पोटदुखीने त्रस्त असलेली ही व्यक्ती डॉक्टरांकडे गेली होती, यावेळी ऑपरेशन करताना हा प्रकार समोर आला. वृद्धाच्या पोटातून इतके खडे निघाले की रुग्णालयातील कर्मचारी मोजून मोजून थकले अन् ही शस्त्रक्रिया करताना डॉक्टरांनाही घाम फुटला. काय आहे हे संपूर्ण प्रकरण? वाचा सविस्तर....

बापरे! पोटात आढळले ६००० खडे

राजस्थानच्या कोटा जिल्ह्यातील तलवंडी परिसरातून धक्कादायक बातमी समोर आली असून 70 वर्षीय वृद्धाच्या पोटातून 6000 हून अधिक खडे बाहेर आल्याने खळबळ उडाली आहे. या खड्यांचा आकार मोहरीच्या दाण्यापासून ते हरभऱ्याएवढा होता. त्यांची मोजणी करण्यासाठी कर्मचाऱ्यांना अडीच तासांहून अधिक वेळ लागला. या वृद्धाला बऱ्याच दिवसांपासून पोटदुखी आणि उलट्यांचा त्रास होत होता. खासगी रुग्णालयातील डॉक्टरांनी तपासणी केली असता पित्ताशय मूळ आकाराच्या दीडपट वाढल्याचे दिसून आले. त्यानंतर शस्त्रक्रिया करण्यात आली.

डॉक्टरांनी सांगितलं कारण...

याबाबत लवंडी परिसरात खासगी रुग्णालय चालवणारे, डॉक्टर जिंदाल यांनी सांगितले की, संबंधित रुग्ण अनेक दिवस त्रस्त होते. सोनोग्राफीमध्ये त्यांच्या पित्ताशयाचा आकार 12 बाय 4 सेमी असल्याचे आढळून आले होते, जे 7 सेमी इतके असायला आहे. यानंतर रुग्णाला काल शस्त्रक्रियेसाठी बोलावण्यात आले. ऑपरेशनपूर्वी त्याला भूल देण्यात आली. त्यानंतर दुर्बिणीच्या सहाय्याने शस्त्रक्रिया करून सुमारे 1 तासात 6110 हून अधिक खडे काढण्यात आले. हे सर्व खडे एका पाकिटात ठेवून कर्मचाऱ्यांना देण्यात आले. त्यांची मोजणी करण्यासाठी सुमारे अडीच तास लागले.

डॉक्टर जिंदाल म्हणाले की, काही महिन्यांपूर्वी असाच आणखी एक रुग्ण आला होता, त्याचे वय 45 वर्षे होते आणि त्याच्या पित्ताशयातून सुमारे 5000 दगड बाहेर आले होते. डॉक्टरांनी सांगितले की, खाण्यापिण्याच्या सवयींमध्ये गडबड, व्यायामाचा अभाव आणि इतर अनेक कारणांमुळे पित्ताशयात खडे तयार होतात. ज्यामुळे खूप त्रास होतो. मात्र आता वृद्ध व्यक्ती पूर्णपणे निरोगी असून त्यांना पित्तदुखीचा त्रास कधीच होणार नाही.