राजस्थानच्या जोधपूरमध्ये एक संतापजनक घटना घडलीय. येथील रुग्णालयाच्या प्रांगणात अल्पवयीन मुलीवर सामूहिक बलात्कार झाल्याची घटना घडलीय. मंगळवारी सकाळी हा प्रकार उघडकीस आला, त्यानंतर पोलीस अधिकारी एफएसएल टीमसह घटनास्थळी पोहोचले आणि तपास सुरू केलाय. येथील महात्मा गांधी रुग्णालयात एका अल्पवयीन मुलीवर सामूहिक बलात्कार झाल्याची घटना घडलीय.
या प्रकरणाची माहिती मिळताच पोलीस अधिकारी आणि एफएसएल पथकांना तपासासाठी पाचारण करण्यात आले आहे. पीडित मुलीने सफाई कर्मचाऱ्यांवर सामूहिक बलात्काराचा आरोप केलाय. जोधपूरच्या महात्मा गांधी रुग्णालयात ही घटना घडली असून या घटनेनंतर सर्वत्र संतापाची लाट पसरलीय. अमानवीय कृत्य करत अल्पवयीन मुलीवर अत्याचार केल्याची माहिती स्थानिकांनी दिलीय.
या घटनेनंतर पोलीस आणि प्रशासन खडबडून जागे झाले असून तपास सुरू केलाय. पोलिसांनी तत्परतेने कारवाई करत दोन आरोपींना अटक केलीय. तर तिसऱ्या आरोपीचा शोध सुरू आहे. या घटनेने जोधपूरच नाही तर संपूर्ण देश हादरलाय. रुग्णालयासारख्या सुरक्षित समजल्या जाणाऱ्या ठिकाणी अशा घटना घडल्याने समाजाच्या सुरक्षा व्यवस्थेवर गंभीर प्रश्न निर्माण होत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.