पंतप्रधान नरेंद्र मोदी यांनी काँग्रेसवर जोरदार हल्ला चढवला. काँग्रेसनं सत्तेसाठी संविधानाचा नेहमीच शस्त्र म्हणून वापर केला, असा आरोप मोदी यांनी हरयाणाच्या यमुनानगरमधील एका सभेला संबोधित करताना केला.
काँग्रेसने मुस्लिमांच्या तुष्टीकरणासाठी वक्फ अॅक्टमध्ये २०१३ मध्ये दुरुस्ती केली होती. निवडणूक जिंकण्यासाठी काही महिन्यांपूर्वी असंच केलं. जर काँग्रेसला मुस्लिमांबद्दल इतकं प्रेम वाटतं, तर एखाद्या मुस्लीम व्यक्तीला पक्षाचा अध्यक्ष का करत नाहीत, असा थेट सवालही मोदींनी केला.
पंतप्रधान नरेंद्र मोदींनी हरयाणातील सभेत काँग्रेसवर टीकास्त्र सोडलं. निवडणुकांमध्ये काँग्रेसकडून मुस्लिमांना अर्धी तिकीटं का दिली जात नाहीत? असा खडा सवालही त्यांनी उपस्थित केला. आपली सत्ता कायम राहावी यासाठी काँग्रेसने आणीबाणीच्या काळात संविधानाच्या भावना पायदळी तुडवल्या. सर्वांना न्याय मिळाला पाहिजे आणि समानतेच्या भावनेतून काम व्हावे. सगळ्यांसाठी एकसारखीच न्याय संहिता असावी, ज्याला मी सेक्युलर सिव्हिल कोड म्हणतो. पण काँग्रेसने ते कधीही लागू केले नाही, याकडंही पंतप्रधान मोदींनी लक्ष वेधलं.
उत्तराखंडमध्ये भाजपचं सरकार आल्यानंतर सेक्युलर सिव्हिल कोड लागू करण्यात आलं. पण देशाचं दुर्दैवं बघा की संविधान खिशात घेऊन फिरणारे लोक त्याचा विरोध करतात, असा टोला मोदींनी राहुल गांधींचं नाव न घेता लगावला. काँग्रेसच्या सरकारने कर्नाटकात टेंडरमध्येही धर्माच्या आधारे आरक्षण दिलं. त्याची संविधानात तरतूदही नाही, असंही मोदी म्हणाले.
जर मुस्लिमांबद्दल इतकं प्रेम आहे तर काँग्रेस त्यांच्या एखाद्या नेत्याला पक्षाचा अध्यक्ष का करत नाही? निवडणुकांमध्ये अर्ध्या जागांवर तिकीटं का दिली जात नाहीत, असे सवाल त्यांनी केले. या लोकांना कुणाचीच पर्वा नाही. गरीब मुस्लिमांना त्रासदायक ठरणारे निर्णय ते घेतात. वक्फ अॅक्टबाबतही तेच झालं होतं. कट्टरपंथी मुस्लिम आणि श्रीमंतांनाच वक्फ बोर्डावर वर्चस्व मिळालं. आता नव्या कायद्यानं सर्व खूश आहेत, असंही मोदी म्हणाले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.