ऐकलंत...पंजाब प्रांताच्या मुख्यमंत्री मरीयम नवाझ यांची दर्पोक्ती... महागाईने त्रस्त, कर्जामध्ये डुबलेला पाक कंगाल झाला आहे तर दुसऱ्याच्या दयेवर जगणारा या देशाचे नेते मात्र अणुबॉम्बच्या बाता करुन पोकळ धमकी देतायेत. मात्र आता तर पाकिस्तानच्या अण्वस्त्रांचा साठा कुठे लपवला आहे हे ही जगासमोर जाहीर झालं आहे. फेडरेशन ऑफ अमेरिकन सायंटिस्ट्सच्याएका रिपोर्टमध्ये ही सगळी गुपित उघड झाली आहेत.
पाकिस्तान अण्वस्त्रे बनवण्यासाठी वापरल्या जाणाऱ्या विखंडन सामग्रीचे उत्पादन करत आहे. दरवर्षी 14 ते 27 अधिक अण्वस्त्रे बनवू शकेल या दिशेने हा देश काम करतोय. अहवालानुसार, 2023 मध्ये पाकिस्तानकडे 170 अण्वस्त्रांचा साठा होता. आता ही संख्या 172 झाली आहे. भारताकडे 180 अण्वस्त्रे आहेत.
पाकिस्तान अण्वस्त्रे पोहोचवण्यासाठी मिराज 3 आणि मिराज 5 सारख्या लढाऊ स्क्वॉड्रनचा वापर करतो. त्यांनी ही विमाने कराचीजवळच्या मसरूर तळावर तैनात आहेत. याच हवाई तळांवर अण्वस्त्रांचा साठा लपवल्याचं अहवालात म्हटलंय. पाकिस्तानकडे सहा अणु-सक्षम बॅलिस्टिक क्षेपणास्त्र प्रणाली आहे.
अब्दाली, गझनवी, शाहीन I/A, नस्र, घौरी आणि शाहीन-II अशी त्यांची नावे आहेत. शाहीन-III आणि अब्दालीवर काम सुरू आहे. या अहवालात पाच क्षेपणास्त्र तळांबद्दलही सांगितले आहे. त्यामध्ये अ‍ॅक्रो गॅरिसन, गुजरावाला गॅरिसन, कुजदार गॅरिसन, पानो अकिल गॅरिसन आणि सरगोधा गॅरिसन यांचा समावेश आहे.
वीज बिल, पेट्रोल-डिझेल, डाळ-तांदूळ आणि इतर दैनंदिन जीवनावश्यक वस्तूंच्या वाढत्या किमतींमुळे पाकिस्तानातील जनता त्रस्त आहे. दरवर्षी पाकिस्तान चीन, आणि इतर अरब देशांकडे मदतीसाठी हात पसरतो. आंतरराष्ट्रीय नाणेनिधी म्हणजेच IMF आणि जागतिक बँकेच्या कर्जाचा डोंगर पाकवर आहे. त्याची परतफेड करण्याची क्षमताही त्यांच्यात नाही. देश भिकेला लागलेला असतानाही पाक अणुबॉम्बनिर्मीतीचं काम थांबवत नाही. त्यामुळेच आता पाकिस्तानच्या पोकळ वल्गनांना थेट हल्ल्याने उत्तर देण्याची वेळ आलीय...
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.