Onion Export: बांगलादेशात हिंसाचारामुळे कांदा निर्यातीला फटका; नाशकातून होणारी कांदा निर्यात ठप्प

बांगलादेशमधील हिंसाचाराचा फटका नाशकातील कांद्याला बसलाय. काही दिवसांपूर्वीच बांगलादेशमध्ये 50 हजार टन कांद्याच्या निर्यातीसाठी केंद्र सरकारने परवानगी दिली होती. मात्र तिथं उसळलेल्या हिंसाचारानंतर भारताने दोन्ही देशांची सीमा सील केली आहे. त्यामुळे कांद्याचे शेकडो ट्रक अडकल्याची माहिती आहे. नाशिकमधून दररोज 50 ते 60 ट्रक कांदा बांगलादेशला रवाना होतात. त्यामुळे कोट्यवधी आर्थिक व्यवहार ठप्प झालेत. एवढेचं नाही तर देशांतर्गत बाजारपेठेत कांद्याच्या दरावर परिणाम होण्याची शक्यता आहे.

बांगलादेशकडून 75 टक्के शेतमाल आयात होतो. भारतातून सर्वात जास्त कांद्याची निर्यात बांगलादेशालाच केली जाते. मागील चार वर्षात भारतातून बांगलादेशला झालेली कांद्याची निर्यात पाहूया.

एप्रिल आणि मे महिना

8,275 टन कांदा निर्यात

( 35 कोटी )

2023-24

7,24,714 टन कांदा निर्यात

( 1,555 कोटी )

2022-23

6,71,125 टन कांदा निर्यात

(897कोटी )

2021-22

6,58,721 टन कांदा निर्यात

(1,301 कोटी )

बुधवार सकाळपासून हळूहळू ट्रक बांगलादेशमध्ये जाण्यास सुरुवात झालीय. मात्र सीमा पूर्णपणे सुरु होण्यासाठी अजून दोन दिवस लागण्याची शक्यता आहे. सर्वसामान्यांना कांदा नेहमीच रडवतो. बांगलादेशातील अराजकतेच्या निमित्तानं दरावर परीणाम व्हायला नको यासाठी सरकारनं उपाययोजना करण्याची मागणी होतेय.