Mexico Bus Accident : ४५ प्रवाशांना घेऊन जाणाऱ्या बसला मोठा अपघात; १७ जणांचा जागीच मृत्यू

Mexico Bus Accident News : सेंट्रल मेक्सिकोमधून बस अपघाताची मोठी दुर्घटना घडल्याची बातमी हाती आली आहे. कोलंबिया आणि सेंट्रल अमेरिकेतून प्रवाशांना घेऊन जाणाऱ्या बसला मोठा अपघात झाल्याची धक्कादायक घटना घडली आहे. रविवारी दुपारी ही घटना घडली. वेगवेगळ्या देशातील ४५ प्रवाशांना घेऊन जाणाऱ्या बसला अपघात झाल्याने १७ जणांचा जागीच मृत्यू झाला आहे. तर अपघातात अनेक जण जखमी झाले आहेत. (Latest Marathi News )

मीडिया रिपोर्टनुसार, पुएब्ला येथील एका मंत्र्यांनी प्रसार माध्यमांशी संवाद साधताना सांगितले की, 'मेक्सिको बस (Bus) दुर्घटनेत १७ जणांचा जागीच मृत्यू झाला आहे. तर अन्य १५ प्रवासी गंभीर जखमी झाले आहेत. जखमी प्रवाशांवर रुग्णालयात उपचार सुरू आहेत.

या जखमी प्रवाशांपैकी दोघांचा उपचारादरम्यान मृत्यू झाल्याची माहिती समोर आली आहे. तर पाच जणांची प्रकृती नाजूक असल्याचं सांगण्यात येत आहे. तसेच त्यांनी मृतांच्या आकड्यात जखमींपैकी किती प्रवासी होते, यावर स्पष्टीकरण त्यांनी दिलं नाही.

मेक्सिकोच्या स्थानिक माध्यमांच्या रिपोर्टनुसार, चालकाचं बसवरील नियंत्रण सुटल्याने अपघात (Accident) झाल्याची माहिती समोर आली आहे. या अपघाताचे काही फोटोही समोर आले आहेत. त्याचबरोबर फोटोमध्ये काही जखमी प्रवासी देखील दिसत आहे. या अपघातातील प्रवाशांच्या मृत्यूने त्यांच्या कुटुंबावर दु:खाचा डोंगर कोसळला आहे. या भीषण अपघाताने मेक्सिकोत शोककळा पसरली आहे.

दरम्यान, मागच्या आठवड्यात पनामा येथे झालेल्या अपघातात १२ हून अधिक प्रवाशांचा मृत्यू झाला होता. या अपघातात त्यांचं वाहन दरीत कोसळलं होतं. हा अपघात मेक्सिकोमधील सर्वात दुर्दैवी अपघातात गणला गेला आहे. सासत्याने होणाऱ्या भीषण अपघातामुळे मेक्सिकन नागरिकांच्या चिंता वाढली आहे.