Politics : पोलिसांची मोठी कारवाई, भाजपच्या महिला नेत्याला घेतलं ताब्यात; काय आहे प्रकरण?

चंडीगडच्या भाजप नेत्यांविरोधात पोलिसांनी मोठी कारवाई केली आहे. पोलिसांकडून पंजाब महिला मोर्चाच्या अध्यक्षा जयइंदर कौर यांच्यासहित अनेक महिला कार्यकर्त्यांना ताब्यात घेण्यात आलं आहे. या आंदोलनकर्त्यांनी पंजाबमधील भाजप महिला मोर्चाने आम आदमी पक्षाचे संयोजक अरविंद केजरीवाल यांच्या चंडीगडमधील निवासस्थानावरही घेराव घालण्याचा योजना आखली होती. भाजपचे कार्यकर्ते आम आदमी पक्षाच्या सरकारने महिलांना १००० रुपये प्रति महिना हप्ता देण्याच्या आश्वासनाविरोधात रस्त्यावर उतरले. यावेळी पंजाबच्या भाजपच्या महिला कार्यकर्त्यांनी मुख्यमंत्री भगवंत मान यांच्या निवासस्थाबाहेरही आंदोलने करण्याचा प्रयत्न केला.

चंडीगड पोलिसांनी आंदोलनकर्त्यांना मुख्यमंत्र्‍यांच्या निवासस्थानापासून २०० मीटर दूर रोखलं. यामुळे आंदोलकर्त्यांनी बॅरिकेड देखील तोडण्याचा प्रयत्न केला. काही महिला आंदोलनकर्ते बॅरिकेडवर चढले. यावेळी पोलीस आणि कार्यकर्त्यांमध्ये झटापट देखील झाली. त्यानंतर पोलिसांनी भाजपच्या जयइंदर कौर यांच्यासहित आंदोलनकर्त्यांना ताब्यात घेतलं.

पोलिसांच्या कारवाईने महिला आंदोलनकर्त्या देखील भडकल्या. आंदोलनकर्त्या महिलांनी पोलिसांच्या बसला देखील घेराव घातला. पोलिसांनी पुढे येत भाजपच्या महिला कार्यकर्त्यांना हटवलं. त्यानंतर काही आंदोलनकर्त्यांना ताब्यात घेतलं.

जयइंदर कौर यांनी म्हटलं की, 'आम आदमी पक्षाने सरकार स्थापन झाल्यावर महिलांना प्रत्येक महिन्याला ११०० रुपये देण्याचे आश्वासन दिलं होतं. मात्र, सरकारने आश्वासन पूर्ण केलं नाही पंजाबचे मुख्यमंत्री भगवंत मान हे पुढील वर्षी २०२६ सालच्या बजेटमध्ये ही योजना लागू करणार आहेत'.

पंजाबचे आपचे प्रवक्ते बलतेज पन्नू यांनी भाजपच्या मोर्चावर टीका करत म्हटलं की, 'जयइंदर कौर यांनी आधी स्वत:चे वडील अमरिंदर कौर यांना प्रश्न करावेत. २०१७ साली त्यांनी प्रत्येक घरातील एकाला सरकारी नोकरी देण्याचे आश्वासन दिलं होतं. त्यांनी सरकार स्थापन केल्यावर किती जणांना नोकऱ्या दिल्या? शेतकरी आणि कमिशन एजंटचे कर्ज माफ करणार असल्याचीही त्यांनी घोषणा केली होती. बेरोजगोरांना नोकऱ्या देणे, ४ महिन्यात पंजाबला ड्रग्जमुक्त करणार होते, त्यांनी कोणते आश्वासन पूर्ण केले'.