Madhya Pradesh Crime : धक्कादायक! अ‍ॅम्ब्युलन्समध्ये मुलीवर सामूहिक अत्याचार; बहिणीसह दाजीनं घात केल्याचा आरोप

Madhya Pradesh crime news : मध्य प्रदेशात धावत्या रुग्णवाहिकेत अल्पवयीन मुलीवर अत्याचार झाल्याची घटना घडलीये. या घटनेने देशभरात खळबळ उडाली आहे.
Crime News in Madhya Pradesh
Crime News in Madhya Pradeshsaam tv
Published On

मध्य प्रदेशच्या मऊगंज जिल्ह्यात एका १६ वर्षीय अल्पवयीन मुलीवर अत्याचार झाल्याची घटना घडली आहे. लोकांना आपात्कालीन वेळेत मदत करणाऱ्या रुग्णवाहिकेत अल्पवयीन मुलीवर अत्याचाराची झाल्याची घटना समोर आली आहे. मध्य प्रदेशात २२ नोव्हेंबर रोजी रुग्णवाहिकेच्या चालकासहित चार जणांनी अल्पवयीवर मुलीवर अत्याचार केला. या चौघांना पोलिसांनी ताब्यात घेतलं आहे. या गैरकृत्यात पीडित मुलीची बहीण आणि तिच्या दाजीचाही समावेश असल्याची माहिती हाती आली आहे.

पोलिसांनी दिलेल्या माहितीनुसार, अल्पवयीन मुलगी तिची बहीण आणि तिच्या दाजीसोबत रुग्णवाहिकेतून जात होती. त्यांच्यासोबत कोणताही रुग्ण नव्हता. रुग्णवाहिकेत तिघांव्यतिरिक्त चालक आणि त्याचा सहकारी होता. अल्पवयीन मुलगी रुग्णवाहिकेच्या चालाकाला ओळखत होती.

Crime News in Madhya Pradesh
Ghorpadi Crime : पूर्ववैमनस्यातून टोळक्याचा तिघांवर जीवघेणा हल्ला; घोरपडीत पहाटेच्या सुमाराची घटना

रस्त्यात मुलीची बहीण आणि तिचा दाजी पाणी आणण्यासाठी रुग्णवाहिकेच्या बाहेर उतरला. याचदरम्यान, चालकाने रुग्णवाहिका सुरु करून वेगाने पुढे नेली. त्यानंतर धावत्या रुग्णवाहिकेत आळी पाळीने दोघांनी अत्याचार केला. अल्पयवीन मुलीने बहीण आणि तिच्या दाजीवरही आरोपींना सहकार्य केल्याचा आरोप केला आहे.

Crime News in Madhya Pradesh
Pune Crime: विद्येच्या माहेरघरात चाललयं काय? 'काळी जादू घालवतो' म्हणत महिलेला घातला १५ लाखांचा गंडा; दोघांवर गुन्हा दाखल

पोलिसांनी पुढे सांगितलं की, 'अल्पवयीन मुलीला संपूर्ण रात्र बांधून ठेवलं. त्यानंतर सकाळी एका रस्त्याजवळ फेकलं. आयपीएस अधिकाऱ्यांच्या माहितीनुसार, पीडित मुलीने हा सर्व प्रकार तिच्या आईला सांगितला. कुटुंबाची बदनामी आणि भीतीमुळे मुलीने हा प्रकार पोलिसांना सांगितला नाही. दोन दिवसांनी पीडित मुलगी आणि तिच्या आईने पोलिसांना कळवलं. त्यानंतर पीडित मुलीच्या तक्रारीवरून चार जणांविरोधात तक्रार नोंदवण्यात आली.

Crime News in Madhya Pradesh
Kolhapur Crime News : कोल्हापूरच्या आदमापूर येथे गोळीबार; पोलिसांनी घेतले एकाला ताब्यात

या प्रकरणी पोलिसांनी रुग्णावाहिका चालक वीरेंद्र आणि सहकारी केवटला बुधवारी अटक करण्यात आली आहे. तर अल्पवयीन मुलीची बहीण आणि दाजी फरार आहे. आयपीएस अधिकाऱ्यांनी म्हटलं की,पोलीस मुलीची बहीण आणि दाजीच्या शोधावर आहेत. सर्व आरोपींवर पोक्सो अंतर्गत गुन्हा नोंदवण्यात आला आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com