रिलसाठी सोडली लाज! धावत्या कारच्या खिडकीतून बाहेर आली, तरूणीनं भररस्त्यावर कपडे काढले, व्हिडिओ व्हायरल

उत्तर प्रदेशची राजधानी लखनऊमधून एक धक्कादायक बातमी समोर येत आहे. शहीद पथावर धावत्या कारच्या खिडकीतून बाहेर येत तरूणीनं कपडे काढले. या तरूणीचा व्हिडिओ कुणीतरी शूट केला, तसेच समाज माध्यमांमध्ये व्हायरल केला. सध्या या व्हिडिओवर नेटकऱ्यांनी टीकेचा वर्षाव केला आहे. दरम्यान, अश्लील स्टंट करणाऱ्या या मुलीची ओळख अद्याप पटलेली नसून, या व्हिडिओमुळे खळबळ उडाली आहे.

व्हायरल व्हिडिओमध्ये शहीद पथावरून एक कार वेगाने जात असल्याचं दिसून येत आहे. तरूणीनं कारची खिडकी उघडली. नंतर खिडकीतून बाहेर येत तरूणीनं कपडे काढण्यास सुरूवात केली. याचा व्हिडिओ रस्त्यावरून जाणाऱ्यांनी शूट केला. तसेच सोशल मीडियावर शेअर केला. व्हिडिओ व्हायरल होताच पोलिसांनी कारवाईला सुरूवात केली.

या प्रकरणात पोलीस मुलीबद्दल आणि कारमध्ये उपस्थित असलेल्या इतर लोकांबद्दल माहिती घेण्याचा प्रयत्न करीत आहेत. पोलीस इन्स्पेक्टर सुशांत गोल्फ सिटी उपेंद्र सिंह यांनी सांगितले की, 'कारचा नंबर गाझियाबादचा आहे. कार नंबरच्या आधारे, कार आणि कारमधील प्रवाशांचा शोध घेतला जात आहे. गाडी नेमकी कुणाची होती? याचा शोध घेतला जाईल. हे प्रकरण अत्यंत गंभीर आहे'.

पोलिसांनी सांगितले की, या प्रकरणात आरोपींविरोधात विविध कलमांखाली गुन्हा दाखल केला जाईल. तसेच कठोर कारवाई केली जाईल, असं त्यांनी स्पष्ट केलं. दरम्यान, या घटनेनंतर परिसरात खळबळ उडाली असून, पुढील तपास पोलिसांकडून सुरू आहे. दरम्यान, याआधीही शहीद पथावर रील बनवण्याचे प्रकार उघडकीस आले होते.