Pahalgam Attack : पहलगामचा मास्टरमाईंड पाकिस्तानचा कमांडो; हल्ल्यात पाक लष्कराचा हात; लष्करानं ठरवलं, पहलगाम घडवलं

नवी दिल्ली : पहेलगाम हल्ला भारतीयांच्या जिव्हारी लागलाय...ज्या क्षणी हल्ला झाला त्यानंतर तपास यंत्रणांनी वेगानं सूत्र फिरवली. त्यावेळी काश्मीर ताब्यात घेण्याची धमकी देणार सैफुल्ला कसुरी हा पहलगाम हल्ल्याचा मास्टमाईंड असल्याचं प्राथमिक तपासात समोर आलं होतं. दरम्यान पहलगाम हल्ल्यातील दहशतवाद्यांचे स्केच लष्कराकडून जारी करण्यात आलं. त्यानंतर आता पहलगाम हल्ला घडवणारा खरा मास्टरमाईंड समोर आलाय. या मास्टरमाईंडच नाव आहे... हाशिम मुसा...कोण आहे हाशिम मुसा पाहूयात ग्राफिक्सच्या माध्यमातून..

कोण आहे हाशिम मुसा?

पाकिस्तानच्या एसएसजीचा माजी कमांडो

पाक लष्करानं मुसाला स्पेशल फोर्समध्ये पाठवलं

सध्या लष्कर-ए- तैयबासाठी कार्यरत

मुसाकडे हाय रिस्क ऑपरेशनची जबाबदारी

एसएसजीचा पॅरा-कमांडो मुसा गुप्त कारवायांमध्ये माहिर

मुसाचा ऑक्टोबर 2024 मध्ये काश्मीरच्या गांदरबलमध्ये हल्ला

दहशतवादी हाशिम मुसानं याआधीही जम्मू काश्मीरच्या गांदरबल आणि बारामुल्लात दहशतवादी हल्ला घडवून आणला होता. या हल्ल्यातील जुनैद अहमद भट आणि अरबाज मीर या दोन स्थानिकांना मुसाने पाकिस्तानात दहशतवादी प्रशिक्षण दिल्याचं ही आता समोर आलयं. हाशिम मुसा हाच पहलगाम हल्ल्यातील मास्टरमाईंड असल्याचं समोर आल्यानं पाकड्यांचा बुरखा टराटरा फाटलाय. त्यामुळे निष्पापांचे बळी घेणाऱ्या मुसा सारख्या दहशतवाद्यांच्या नांग्या ठेचण्याची आता गरज आहे.