Shocking: बायकोचं अनैतिक संबंध, पाठलाग करत नवरा हॉटेलवर पोहचला, बॉयफ्रेंडसोबत नको त्या अवस्थेत पकडलं

Summary -

• झाशीतील गेस्ट हाऊसमध्ये नवऱ्याने बायकोला बॉयफ्रेंडसोबत रंगेहाथ पकडले

• नवऱ्याच्या तक्रारीनंतर पोलिसांनी तिघांनाही ताब्यात घेतले

• बायकोने हायव्होल्टेज ड्रामा करत मी स्वत:हून हॉटेलवर आल्याचे सांगितले.

• प्रकरणाचा तपास सध्या झाशी पोलिसांकडून सुरू आहे

उत्तर प्रदेशच्या झाशीमध्ये एक हायव्होल्टेज ड्रामा पाहायला मिळाला. याठिकाणी एका तरुणाने आपल्या बायकोला बॉयफ्रेंडसोबत रंगेहाथ पकडले. दोघांनाही त्याने एका हॉटेलच्या खोलीमध्ये नको त्या अवस्थेत पडले. झाशीच्या नवाबाद पोलिस स्टेशनच्या हद्दीतील एका गेस्ट हाऊसमध्ये ही घटना घडली. नवरा हॉटेलवर पोहचल्यानंतर एकच गोंधळ उडाला आणि महिलेचा बॉयफ्रेंड बेडखाली जाऊन लपला. त्यानंतर महिलेच्या नवऱ्याने पोलिसांना बोलावून घेतलं. पोलिसांनी तिघांनाही पोलिस ठाण्यात नेलं. सध्या ते तपास करत आहेत.

११ जानेवारी रोजी ही घटना घडली. नवऱ्याला बायकोच्या अनैतिक संबंधाविषयी कळाले. बायकोचे वागणं त्याला संशयास्पद वाटत होते. त्यामुळे त्याने बायकोचा पाठलाग करत हॉटेल गाठलं. त्याची बायको आणि तिचा बॉयफ्रेंड बस स्टँडजवळील एका गेस्ट हाऊसमध्ये पोहचले आणि त्यांनी १०३ क्रमांकाचा रूम बुक केला. त्यानंतर काही वेळातच महिलेचा नवरा तिथे पोहचला आणि त्याने पोलिसांना फोन करून बोलावून घेतलं.

तरुणाने आपल्या बायकोला बॉयफ्रेंडसोबत नको त्या अवस्थेत पकडलं. त्यानंतर हॉटेलमध्ये एकच गोंधळ उडाला. या तरुणाच्या बायकोने हायव्होल्टेज ड्रामा करत दावा केला की, ती स्वत:च्या मर्जीने इथे बॉ आली आहे. पोलिस हॉटेलमध्ये पोहचल्यानंतर महिलेचा बॉयफ्रेंड बेडखाली लपला. पोलिसांनी खोलीची झाडाझडती घेतली आणि महिलेच्या बॉयफ्रेंडला बेडखालून बाहेर काढले.

महिलेच्या नवऱ्याने पोलिसांना सांगितले की, त्याचे लग्न ३ वर्षांपूर्वी झाले होते. लग्नानंतर बायकोंमध्ये सतत वाद होऊ लागले. २०२३ मध्ये त्याच्या बायकोने त्याच्याविरोधात खटला दाखल केला होता. पण कोर्टाने तोडगा काढला. त्यानंतर तरुण सिप्री बाजार येथे बायकोच्या मामाच्या घरी राहायला गेला. काही काळ दोघांमध्ये सर्वकाही व्यवस्थित सुरू होते. पण नंतर पुन्हा वाद सुरू झाले. गेल्या दीड वर्षांपासून त्याची बायको त्याच्यासोबत राहत नाही. तिचे दुसऱ्या व्यक्तीसोबत प्रेमसंबंध आहेत. ती एका शाळेत काम करते आणि बॉयफ्रेंडला नेहमी भेटायला जाते. नवऱ्याचा विरोध असताना देखील ती बॉयफ्रेंडला भेटते.

तरुणाच्या बायकोने असा दावा की, ती बऱ्याच काळापासून तिच्या नवऱ्यासोबत राहत नाही आणि स्वतःचे निर्णय घेण्यास स्वतंत्र आहे. ती स्वतःच्या इच्छेने हॉटेलमध्ये आली होती आणि आता तिला तिच्या बॉयफ्रेंडसोबत राहायचे आहे. ती तिच्या नवऱ्याला घटस्फोट देण्यास तयार आहे. हॉटेलमध्ये बराच काळ गोंधळ सुरू राहिला त्यानंतर पोलिसांनी तिघांनाही ताब्यात घेत पोलिस ठाण्यात नेलं. या प्रकरणी तरुणाने पोलिस ठाण्यात तक्रार दाखल केली. पोलिस सध्या या प्रकरणाचा तपास करत आहेत.