सून बाथरूममध्ये आंघोळ करत होती, सासऱ्यानं मागून धरलं अन् बेडवर ढकललं; सासऱ्याचा खरा चेहरा समोर

राजस्थानातील रामगंज मंडी येथे एक धक्कादायक घटना उघडकीस आली आहे. सासऱ्यानं सूनेचा विनयभंग करत मानसिक छळ केला आहे. सून आंघोळ करताना सासरा तिच्यावर नजर ठेवायचा. सासऱ्याकडून होणाऱ्या छळाला कंटाळून विवाहितेनं थेट पोलीस ठाणे गाठले . तसेच सासऱ्याविरोधात तक्रार दाखल केली. पोलिसांनी एफआयआर नोंदवला. या घटनेनंतर परिसरात खळबळ उडाली आहे.

सूनेनं दाखल केलेल्या तक्ररीनुसार, सून जेव्हा बाथरूमला जायची तेव्हा सासरे तिच्या मागून यायचे आणि सूनेला मिठी मारायचे. घटनेच्या दिवशी सासऱ्यानं सूनेला बेडवर ढकलले. नंतर जबरदस्ती करून तिच्यावर बलात्कार करण्याचा प्रयत्न केला. मात्र, सूनेनं विरोध केला. सासऱ्याला अडवलं. तसेच तिनं थेट तिच्या पतीला फोन करून आपबिती सांगितली.

पतीला माहिती दिल्यानंतर तिनं पोलीस ठाणे गाठले. तसेच सासऱ्याविरोधात एफआयआर नोंदवला. मात्र, गुन्हा दाखल करूनही आरोपीवर पोलिसांकडून कोणतीही कठोर कारवाई करण्यात आली नाही. घटनेनंतर पीडिता माहेरी गेली. माहेरीहून तिनं न्यायाची मागणी केली.

पीडितेच्या कुटुंबाने दिलेल्या माहितीनुसार, गेल्या आठवड्यात कुटुंबाने आरोपीच्या अटकेची मागणी करणारे निवेदन एसडीएमना सादर केले होते. आरोपीच्या अटकेला झालेल्या विलंबामुळे संतप्त झालेल्या पीडितेने आणि तिच्या कुटुंबाने मंगळवारी एसडीएम कार्यालयाबाहेर धरणे आंदोलन केले. दबाव वाढल्यानंतर पोलिसांनी आरोपीला अटक केली. तसेच पुढील कायदेशीर कारवाई सुरू केली.